首個對角行人過路處今日沙田啟用 行人：「方便咗好多」
2024-01-31 10:55 
運輸及物流局局長林世雄早前表示，容許對角通行的十字路口可以減省行人過路時間，當局已選定沙田沙角街與逸泰街路口為全港首個對角行人過路處試點，今日(31日)行人可直接經路口中心步行至對角行人路。
《星島頭條網》記者今晨8時許到沙角街與逸泰街路口實地視察，見路政署工程車泊在路旁，工人搬出數盞交通燈，預備稍後裝上。現場雖然未有對角過路線，但已有很多行人「打斜」橫過馬路，絡繹不絕，亦有交通警在場視察過路流程。
其後工程人員在路面髹上對角行人過路線，對角位亦裝上顯示紅綠公仔的交通燈，當工人髹上新的過路線期間，暫不准行人打斜過路，行人須按舊有交通燈指示過路。
市民伍女士對實施對角式過路表示歡迎。「唔使等咁多燈，等一盞燈要等成幾分鐘，過完一盞又一盞燈，好多人趕時間，等燈麻煩，畀人打斜嚟行，至少慳返幾盞燈時間，方便咗好多。」
黃先生亦對認同此舉方便行人，「方便咗過馬路，尤其長者，兜完一個圈，行吓行吓，盞燈又轉，又要等，先再打橫行，依家節省咗1、2分鐘，呢個措施方便咗行人。」
涂先生亦指新措施方便行人，「呢度有街市、有幾個屋邨，打對面行梗係方便好多，節省時間，趕返工、趕住買餸，過對面搭港鐵都近好多，方便咗，以前係L形等燈等得耐，過得嚟，燈又轉咗。」
當局表示，除了沙田區為首個對角行人過路處，尖沙咀加拿分道與加連威老道交界亦預計在年中推行對角行人過路處。運輸署會在試驗計劃推行後觀察兩個試點的情況數個月，考慮行人、司機對設施的意見，檢討對角行人過路處的成效，以及可改善空間，再考慮未來方向。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應