東頭邨誤殺案｜和事佬為救朋友慘死遺九旬母 友：佢為咗保護我先俾推跌

黃大仙東頭（二）邨發生誤殺案，一名59歲姓陳退休漢周一（29日）做「和事佬」期間被人用力推跌，送院搶救後延至今日（31日）凌晨不治，警方其後拘捕一對父子涉嫌誤殺及普通襲擊。《星島頭條》其後聯絡到當日被陳男出手保護的61歲姓劉的朋友，他指自己與疑犯因為小便而積怨，周一被對手「拖馬」尋仇，又指陳男「死得太慘」，「雖然唔係識咗好耐，但我同佢好好朋友，佢係為咗保護我先至俾人推跌，我哋個個都以為佢會大步檻過，點知...」。

相關新聞：東頭邨誤殺案｜59歲和事佬勸交被推跌 留醫兩日不治 警拘兩父子

死者當日後腦著地，現場遺下一灘血迹。讀者提供

劉先生事後在場點起一支香煙「拜祭」，希望死者能夠安息。

現場為黃大仙東頭（二）邨旺東樓地下便利店。

劉先生事後在場點起一支香煙「拜祭」，希望死者能夠安息。

現場為黃大仙東頭（二）邨旺東樓地下便利店。

任職貨車司機的劉先生透露，自己與姓陳死者相識僅半年，但二人無話不歡，甚為老友，每日都會在便利店對開的花槽「打躉」飲酒，章父亦不時在附近飲酒，惟任職垃圾車司機的章父不時隨處便溺而惹人生厭，去年9月二人更因為小便而發生爭執，最後大打出手，雙雙被捕，「嗰條友（章男）成日喺便利店同花槽屙尿，搞到神憎鬼厭，舊年9月佢企我隔離屙尿，我接受唔到，嗰陣仲係有疫情，咪鬧咗兩句有啲推撞」。

他指自該次事件後與章父結怨，即使在村內見面也不會打招呼，至周一（29日）傍晚6時，他與陳男在花槽飲酒聊天，章父見狀後立即致電兒子「拖馬」尋仇，「佢哋諗住落嚟揼我，其中一人捉住我，陳X諗住幫手抆開佢隻手，但陳X飲咗酒，無意識有人推佢，於是直向後跌『噗』一聲向後跌」。陳男失平衡倒地後嘔白泡，之後左耳及後腦相繼出血，昏迷不醒。

言談間，劉先生不停無奈搖頭，指對方擺明「找晦氣」，「佢個仔一嚟到就話：『你打我老竇』，陳X不停講：『你唔好郁手，千祈唔好郁手』，但個人唔聽，覺得佢阻住晒，咪一嘢推冧佢」。章氏父子等人見狀拔足逃去，而他亦立即報警求助。

談及陳男，劉先生指對方已婚，有一名十多歲的兒子及一名九旬母親，早前為方便照顧年邁的母親辭去工作，甚至搬到附近，平日較清閒的時候，便會落樓飲酒休息下，「前排佢仲同我講，自己就嚟可以拎兩蚊（長者乘車優惠），雖然唔係識咗好耐，我同佢好好朋友，日日都係呢度打躉飲啤酒，佢為咗保護我而勸交，俾人推跌，真係死得太慘，佢阿媽仲未知佢出咗事㗎，呢幾日仲搵緊佢，唉......」。

自從陳男遇襲入院後，劉先生一直耿耿於懷，希望他可以大步檻過，能趕在農曆年前與母親過年，詎料最終無力回天，只能事後在場點起一支香煙「拜祭」。警方指58歲姓章男子已獲准保釋候查，須於二月中旬向警方報到，其33歲兒子現正被扣留調查。

---

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ