炎明熹被緋聞嚇親IG唔敢隨便撳Like 想拍拖但又怕嘥男友時間所以唔拍住

炎明熹（Gigi）今日（28日）到新城宣傳新歌《透光者》，她指新歌講述自己對着喜歡的人就像透明生物體一樣，無論如何大叫，對方也看不到自己。Gigi指在小學時也有喜歡過同學，但應該是出於對同學的鍾意，到中學時又要比賽又要讀書，所以未有想太多，又笑言由於沒有人向她表白過，所以不知是否有人暗戀自己，問她現在有否暗戀人？她說：「暫時冇，但我好容易會對大家有好感，無論男同女，對我有少少好，我就已經諗點解要對我咁好，（邊個對你好？）所有同事朋友屋企人都對我好好，所以我一直都好幸運，因為大家都好錫我，所以都希望督促自己再做好啲。」

Gigi指在小學時也有喜歡過同學，但應該是出於對同學的鍾意。

她笑言由於沒有人向她表白過，所以不知是否有人暗戀自己。

Gigi坦言也很想有對象出現，但她認為感情需要時間去了解對方，沒有可能相識很短時間就跟對方墮入愛河：「我都算理智，我希望用時間去留意佢更加多，可能佢私底下好冇公德心，又或者會虐待小動物，佢表面一定唔會做呢啲俾你睇，所以要偷偷地觀察，係咪真係一個自己值得去托付終身嘅人。」雖然她又謂現在也想拍拖，但也怕要顧及工作和讀書，與對方的相處時間不多：「一段感情嘅培養都需要見面嘅基礎，先至可以打好呢個根基，佢要陪我去做呢啲嘢嘅時候，可能佢都少咗時間，我都唔想影響佢，所以暫時都未係一個最好嘅階段（拍拖）。」

GiGi想拍拖，但也怕要顧及工作和讀書，與對方的相處時間不多。

同時佢又拍男友要陪佢，都少咗時間，所以好煩惱。

對於最近與ViuTV《全民造星V》出身的鄧家杰（Kakit）傳緋聞，Gigi再次澄清，表示兩人只在倒數騷見過，當時只有點頭並沒有交談，其後知道對方在IG追蹤自己後，自己也有追蹤對方，由於覺得對方的照片很有參考價值，所以也會看，也會點讚，但並沒有交談，提到她被發現點讚後即時取消，她否認，並解釋可能是網絡出現問題，以前也有發生過同類事件，更指經過這件事之後，以後也不敢胡亂點讚：「除非係朋友一定唔會有嘢可以講。（驚咗？）係，我會留意我嘅行為。( 佢係咪你理想類型？）唔知，我都係要相處咗先知。」提到今日發表《財政預算案》薪俸稅退稅減3000元，Gigi就表示不清楚自己是否有受惠，因為這些都是家人處理：「今晚返去問吓睇吓佢哋有冇受惠，可能佢哋受咗惠攞咗我啲錢。」

Gigi再次澄清，跟Kakit只是點頭之交。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ