港女足｜土耳其盃 港隊吳卓蔚奪最佳門將獎

香港女子足球代表隊上月出戰「2024 土耳其盃」，雖然3戰全敗，但門將吳卓蔚(阿Mi)在首兩場表現出色，贏得最佳門將獎項。她盼望今年繼續努力，稍後將返回日本爭取東北女子足球聯賽(第2級)岩手斑馬女子隊的新合約。

港女足2月底參加了土耳其盃。 足總圖片

足總圖片

受訪者圖片

吳卓蔚贏得最佳門將獎。 受訪者圖片

受訪者圖片

受訪者圖片

 

 

 

 

港女足在今次土耳其盃3場比賽，分別以0:1不敵科索沃、0:2負印度及0:2輸給愛沙尼亞。吳卓蔚(阿Mi)在首兩場把關，隊友梁蔚雅在最後一場守龍，盡力抵抗對手。

賽事完結之後，吳卓蔚(阿Mi)贏得最佳門將獎項，這位港隊代表說：「第一場發揮得比較好，亦都係感覺深刻啲。因為係久違的國際賽，對住無論身體質素同技術都係我地之上的科索沃，落場前自己心中諗住盡力唔失球。」

「雖然3支球隊無論身體質素或技術都係我哋之上，但係我覺得踢落港隊係相比以往來土耳其盃時，同對手拉近咗距離，守得好咗又有啲入肉攻勢。不過係呢3場比賽入面，睇得出我哋對比人哋嘅速度同碰撞程度係差啲，不過我哋用意志搭救。」阿Mi說道。

今年首兩個月，港女足已經踢了女足省港盃及土耳其盃，阿Mi認為港隊一直在進步，但仍然可以更好：「我自己要求高小小，覺得未有勝仗所以唔算順利，不過整體黎講，港隊係進步中。所以接下來的比賽希望會順順利利。今年港隊無大型比賽，但會有國際友誼賽，希望可以取得至少一場勝仗，亦都希望自己繼續努力，爭取機會可以代表港隊上陣。」

代表隊以外，阿Mi去年加盟日本東北女子足球聯賽(第2級)岩手斑馬女子隊。 新一年，她表示想繼續留在日本發展，之後會回去該隊傾談新合約：「想分享一件新奇事，因為我的球隊代表岩手町地方的女子足球隊，所以需要去不同地區推廣，球員親身去不同地方派自己卡片同球隊小冊子，等多啲人認識岩手斑馬FC呢隊縣代表既球隊。這件事，對於我來講係一個好深刻又好開心的體驗，因為需要用日文同咁多人自我介紹同溝通，大家對於我呢個外地人都好好奇，呢個係暫時係香港無體驗過既事情。」

阿Mi又指，希望今季返去後有更多新體驗，再在網上和大家分享她的足球故事。

_____________________________

 

--
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ