$1968天價散水餅賬單瘋傳多達XX款食物網民呻散水餅文化遭扭曲｜Juicy叮

2024-05-03 06:51

職場中人，年中不知吃下多少件散水餅，吃得習以為常，吃得感情麻木。有網民人間清醒，近日反思了香港的散水餅文化。

facebook群組「香港茶餐廳及美食關注組」早前一個以「同事請食散水餅，仲係每人一盒」為題的貼文，引出網民上傳水蛇春咁長，總計1968元的嚇人天價散水下午茶賬單，也讓網民討論起香港近年的散水餅文化，有人心甘情願，有人不情不願，有人更最怕因為散水餅而衍生出不愉快事件......

天價散水餅賬單瘋傳 + 網民探討散水餅文化逐張睇 ↓↓↓↓

$1968天價散水餅賬單瘋傳多達XX款食物網民呻散水餅文化慘遭扭曲

網上流傳的「豪派葡撻散水盒」帖文。fb群組「香港茶餐廳及美食關注組」截圖

網民因為一盒散水葡撻探討香港的散水餅文化。

葡撻散水盒。fb群組「香港茶餐廳及美食關注組」截圖

網民猜測中六合彩的派撻人，是否正是近日在網上自爆「中咗二獎80幾萬嗰個哥仔」。

網民講出派散水餅心底話。fb群組「香港茶餐廳及美食關注組」截圖

網民討論起香港近年的散水餅文化。

網上流傳的「豪派葡撻散水盒」是少有的一帖兩講內容，網民除猜測幸運中六合彩的派撻人，是否正是近日在網上自爆「中咗二獎80幾萬嗰個哥仔」（詳情見：中$80萬六合彩二獎幸運兒傳授落注心得現身講6個字感受網上流傳豪派一人一盒散水餅本尊親解謎團）外，還藉此深入探討了香港的散水餅文化。

六合彩相關新聞：

中$80萬六合彩二獎幸運兒傳授落注心得現身講6個字感受

反對派散水餅一族

散水餅是真金白銀自掏腰包的禮物，網民因而特別重視。對派散水餅持反對意見的明言「真係唔明點解要派散水餅」，直指：

•「無聊，山水無相逢，有都唔會因為盒餅有乜影響」、
•「有無散水餅唔覺有乜重要，食咗人哋見返你會多謝你？睇能力嘅啫，睇餅哦唔實在」、
•「唔太信好頭好尾，反而信好馬不吃回頭草，既然都唔會返去，又何需畀面？」、
•「榮休派散水餅就算啦，唔明點解而家唔撈，唔理乜嘢理由都興派散水餅？？通常做得唔開心，或者啲同事惡頂先離職，之後就算山水有相逢，頂多一笑泯恩仇，仲要扮大方請人食餅......？？」。

天價散水餅賬單瘋傳 + 網民探討散水餅文化逐張睇 ↓↓↓↓

網民對派散水餅有正反兩面看法。

反對派散水餅網民：無聊，山水無相逢，有都唔會因為盒餅有乜影響。fb群組「香港茶餐廳及美食關注組」截圖

職場中人，年中不知吃下多少件散水餅，吃得習以為常，吃得感情麻木。

網民唔信好頭好尾。

派散水餅，有人心甘情願，有人不情不願。

網民：禮尚往來，無拖無欠！fb群組「香港茶餐廳及美食關注組」截圖

另有人派散水餅時講感情：
•「睇吓有冇感情啦」、
•「有感情咪請，留低最後回憶，無嘅咪：走先啦係咁先啦……」、
•「啲同事好人咪買，唔好人唔會買，我通常淨係派畀FD（朋友）底嗰啲」、
•「同事間感情好，離別個陣請食嘢本來就好自然嘅事，無話邊個人定嘅規矩」、
•「我自己就覺得，只要係走得開心，或者同事之間做到朋友嘅，請食散水餅係應該嘅，當係多謝大家一路以來嘅照顧同教導。如果走得唔開心，又或者根本係被炒，散乜水餅」。

天價散水餅賬單瘋傳 + 網民探討散水餅文化逐張睇 ↓↓↓↓

有網民派散水餅時著重感情基礎。fb群組「香港茶餐廳及美食關注組」截圖

網民：如果班同事ok嘅......少少錢，開心下囉。fb群組「香港茶餐廳及美食關注組」截圖

有網民人間清醒，近日反思了香港的散水餅文化。

網民撐派散水餅：大家好來好去，山水有相逢。fb群組「香港茶餐廳及美食關注組」截圖

網民：散水餅文化何處傳入？

網民直言：如果走得唔開心，又或者根本係被炒，散乜水餅。fb群組「香港茶餐廳及美食關注組」截圖

力撐對派散水餅一族

力撐派餅的網民則從人情世故去想，認為：
•「大家好來好去，山水有相逢」、
•「呢個世界好細，有啲行業都係，好來好去啦」、
•「......識做人囉，正所謂他日好相見，無論你同佢關係好唔好，風水輪流轉，話唔定將來大家又做返同事或者上司與下屬」。

散水餅下午茶賬單水蛇春咁長逐張睇↓↓↓↓

有樂意請食散水餅的網民拿出水蛇春咁長，盛惠1968元的天價下午茶甜品賬單發長文表示（見下圖）↓↓↓↓

有網民萬歲下午茶。

有樂意請食散水餅的網民拿出水蛇春咁長，盛惠1968元的下午茶甜品賬單發文。fb群組「香港茶餐廳及美食關注組」截圖

網民：雖然花咗錢，但見大家食tea時輕鬆又讚好味，都覺得開心。fb群組「香港茶餐廳及美食關注組」截圖

散水下午茶賬單於2019年發出。fb群組「香港茶餐廳及美食關注組」截圖及資料圖片

賬單中的甜品有南北杏雪耳燉木瓜和楊枝甘露。fb群組「香港茶餐廳及美食關注組」截圖及資料圖片

賬單中的甜品有椰汁芒果黑糯米和士多啤梨涼粉。fb群組「香港茶餐廳及美食關注組」截圖及資料圖片

總價1968元的下午茶甜品賬單。fb群組「香港茶餐廳及美食關注組」截圖及資料圖片

賬單總價1968元。fb群組「香港茶餐廳及美食關注組」截圖

水蛇春咁長賬單盛惠1968元

賬單於2019年發出，當中的甜品由南北杏雪耳燉木瓜、榴槤班戟、楊枝甘露豆腐花、椰汁芒果黑糯米、榴槤水晶珠、龍眼椰果冰、薑汁鮮奶燉蛋白、杏仁茶燉蛋白、楊枝甘露、燉紅棗蓮子蛋茶、芝麻合桃露、川貝圓肉燉雪梨、士多啤梨涼粉，到芒果奶昔雙皮奶，相當豐富。

發相的網民還指，「公司位於港島中環，我部門人多，我唔算大手筆，我之前有啲同事走請食Cova或貴價牌子cup cake（杯子蛋糕），隨時單件計平均60幾蚊」，並稱「呢間公司任職多年，同事對我好好，大家互相幫忙，所以臨別想請大家食餐下午茶......雖然自己花咗錢，但見到大家食tea（下午茶）時輕鬆又讚好味，我都覺得開心」。

網民批評香港散水餅文化逐張睇↓↓↓↓

網民重溫散水餅文化之崛起。

網民提問：散水餅文化到底邊度傳入嚟㗎？fb群組「香港茶餐廳及美食關注組」截圖

網民批評派散水餅「成件事扭曲晒」。fb群組「香港茶餐廳及美食關注組」截圖

網民提起幾十年前的事。fb群組「香港茶餐廳及美食關注組」截圖

網民尋源：散水餅由散水tea演變出嚟。fb群組「香港茶餐廳及美食關注組」截圖

網民想起廿幾年前的事。fb群組「香港茶餐廳及美食關注組」截圖

網民憶起90年代尾的舊事。fb群組「香港茶餐廳及美食關注組」截圖

網民重提廿幾年前的散水餅文化。fb群組「香港茶餐廳及美食關注組」截圖

網民重溫散水餅文化之崛起

有網民說起散水餅文代的歷史，稱「我以前離開公司（90年代尾），唔單止無散水餅，同事仲倒返轉請我食飯」，有人附和稱：

•「一向係請走個人食，我自己走不會買散水」、
•「係喎，以前resign（辭職）係人哋請食飯farewell（告別）。而家掉轉請人食餅」、
•「我廿幾年前喺銀行都係大家買盒西餅食㗎喎，個陣無呢個名詞，但大家都請相熟部門同埋同事食」、
•「我公司會羅漢請觀音（即離職那位）食farewell lunch（告別午餐），咁他請返我哋食『散水餅』，可能視作『回禮』吧」、
•「廿幾年前辭工，公司細得十幾個人，老細、上司、同事一齊請你食晏，跟住自己就叫下午茶請返佢哋當回禮，好嚟好去咁啦！」、
•「以前有同事last day（上班最後一天）同我講，請食散水餅係安慰其他繼續喺公司做嘅嘢嘅人，同時分享自己終於脫苦海嘅喜悅」、
•「其實（派散水餅）好幾十年前已經存在，只不過初時只是小圈子相熟同事小小表示而已，未成大氣候，而且是走得開心，而近十多年風氣發展變質濫用而已」。

根據以上情況，有有心人作出總結——「根本『散水餅』嘅由來就係咁，你請人食飯，人哋請返你食餅，唔係好似依家啲人咁連飯都唔請人食仲要屈人請你食餅，仲要嫌三嫌四」。

網民批評香港散水餅文化逐張睇↓↓↓↓

有網民擔心因為派散水餅而衍生出網上不愉快事件......

網民擔心派散水餅時被嫌三嫌四。fb群組「香港茶餐廳及美食關注組」截圖

網民怕遭上網唱衰。fb群組「香港茶餐廳及美食關注組」截圖

對於派散水餅一事網民著重他人看法。

豁達網民自有看法。fb群組「香港茶餐廳及美食關注組」截圖

有網民看穿是商人製做出來的文化。fb群組「香港茶餐廳及美食關注組」截圖

網民派散水餅最怕面對呢事件↓↓↓↓

說到這裏，有網民大呻「係呀，近年變晒」、「變質，而且最怕散水餅被指求其，遭嫌三嫌四且上網唱」，直白地說出了派散水餅最怕面對的事件——

•「而家係onＸ到唔買會畀人上網唱」、
•「試下買幾蚊雞一件個啲蛋糕，背後講足一日」、
•「喺背後講唔緊要呀，最怕就係又放上網話你cheap（平）」、
•「係喎，我都覺得如果我走應該係同事請返我食嘢，唔係我走仲要買散水餅，最慘又唔可以太求其，一陣間畀人嫌三嫌四」、
•「嗰時我去做過多間廠及公司都有，那時送的西餅不是美心就係超群，只是名義不叫散水餅而已，只是上代人心胸没有今天勢利，好似乜都奉旨咁現實，立亂畀人面色」。

雖然不少人擔心派散水餅派到遭人上網唱衰，但也有人豁達地指「隨便唱，反正我都離開了，唱吧唱吧唱好他」。另有人使出計仔，指「所有工我真係無買散水餅，仲要最後一日玩射波」。

網民：散水餅文化何處傳入？

接著有人尋根究柢，問「散水餅文化到底邊度傳入嚟㗎？係咪睇得電視多呀？唔係應該請走個位同事食飯攪farewell咩？」。

問有問答，有網民表示：

•「係啲寫字樓港嬸發明，呢班廢物嘢就做唔掂，佢哋返工除咗搞辦公室政治之外，就係食。佢哋想食靚西餅又唔捨得自己買就求其搵個藉口屈人買，慢慢就將呢種劣質文化傳咗開去」、
•「散水餅呢個文化太onＸ，係香港人先覺得無問題！好似生日咁都係朋友出錢慶祝壽星公，但係散水餅就係壽星公出錢叫人嚟慶祝，成件事扭曲晒」。

有人也懷疑「係商家佬搞嘅，最大贏家」、「商人諗出嚟，情人節都係啦」、「係啲商人製做出來嘅文化」。

最後，有打工仔更提出了個散水餅文化加強版——「我呢間公司有個不成文規定，升職要請全世界人食餅，仲要另外再請再自己部門同事食飯！而且，去旅行後要買手信返來請部門同事食！」。