星8卦｜「高瘦」被阿媽逼嫁入豪門 奶奶自出自入無私隱搞到情緒病

女人一生命好命醜真係早早注定，你以為呢個係好門口，其實係有苦自己知。「高瘦」阿媽好巴辣，逼阿女鬥靚叫做有個獎，諗住今次終於可以擺脫貧窮。「肥佬」屋企有錢嘅，老竇做實業又唔上市，啲錢收收埋埋都唔少㗎，「肥佬」學晒老竇啲慳家作風，對「高瘦」一啲都唔闊佬，「高瘦」知道唔對路梗係諗住走人啦，但阿媽用盡方法逼「高瘦」留低，加埋老爺都覺得呢個女人可以控制到「肥佬」乖乖哋喺屋企。

可惜「高瘦」個肚唔爭氣，生極都無仔，所以俾勢利奶奶嫌棄，三個千金都一樣唔係好得寵。最慘係住豪宅面門好風光，但無時無刻奶奶都可以用鎖匙開門入屋，完全無私隱可言，有次喺屋企瞓緊覺，奶奶用鎖匙開門入嚟就玩單打，話女人之家瞓到日光日白都唔起身，唔慌係好女人喎。

「高瘦」有無後悔？梗係有啦，加埋「肥佬」唔係咁尊重呢個老婆，所以對佢嘅感受係唔多理會嘅，雖然無出去滾，但夫妻關係超級冷漠。「高瘦」近排直情唔出嚟見人，當年鬥靚嘅姊妹久不久就約出嚟，但可惜佢唔多肯出門，話唔知講乜好，似乎情緒都出咗事！

 

相關文章：

星8卦｜「霸姐」食盡小鮮肉想定落嚟 招惹「扮嘢」痴戀唔敢落疊

星8卦｜「動物」同「生姐」拍拖盡使 衰咸濕斷正被飛抵死

星8卦｜「出色」花心死纏唔肯分手 「珠女」撞正天體派對嬲到出煙

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7