落雨自取其「褥」 買家呻：張床褥濕晒！ 網民因一理由淡定安慰......｜Juicy叮
2024-06-16 09:53 
本港連日天雨，有相信是在網上購買床褥的買家，日前冒滂沱大雨到位於大埔的自提點取貨時，驚見即將到手的寶貝床褥做了擋雨神器，犧牲自己為其他貨物遮風擋雨。
床褥頓變水床，買家盛怒下在facebook群組「大埔人大埔谷」發帖，上載相片大罵「我張床褥濕Ｘ晒點用呀！啲集運公司黐線，咁大雨就咪送貨啦！」。
大雨淋濕網購床褥逐張睇 ＋ 網民風涼話回應↓↓↓↓
網民冷靜撐集運商
面對火遮眼的樓主，網民顯得格外冷靜，把事情鋪展開不同角度分析，先從做生意方面去看，站在集運商一邊說話，指「落雨啫，唔使做呀，你養佢呀」、「件貨品冇包好，你怪個運輸？單單都唔送咁唔使做啦，你開間運輸公司出嚟」，其他精警回應見下圖↓↓↓↓
大雨淋濕網購床褥逐張睇 ＋ 網民風涼話回應↓↓↓↓
網民買床褥經驗豐富 安慰樓主毋須擔心
就購買床褥，網民顯然經驗豐富，各人異口同聲指內裏有包膠袋，一人一句淡定地安慰樓主毋須過份擔心，稱「一睇就知你未買過床褥啦，入面仲有一層透明膠紙，同埋人哋運輸落雨都要送貨都好慘㗎！ 」、「應該唔會濕？正常新床褥都會有層膠包住」，其他買床褥經驗之談見下圖↓↓↓↓
大雨淋濕網購床褥逐張睇 ＋ 網民風涼話回應↓↓↓↓
網民笑言：你都係自取其褥吧
也有人搞笑地提供「用抽濕機抽乾佢囉」、「開大冷氣，吹半小時」、「用風筒吹返乾咪得囉」等弄乾床褥的妙計。接著，有網民從網購習慣去看，笑言樓主「你都係自取其褥吧」、「你自取？」，認為「你買床（褥）就唔好慳，直接送上樓啦」、「點解唔送上門仲要集運」、「點解唔直接送上門？天氣邊有人控制到？笑咗」，其他有關網購習慣的回應見下圖↓↓↓↓
大雨淋濕網購床褥逐張睇 ＋ 網民風涼話回應↓↓↓↓
網民好奇床褥連運費幾多錢
另有人公道地分析「多數取貨點其實都好細，大型嘅（貨物）就預咗放鋪外面，加上唔好彩預上紅雨，其實都無計，無咩好怨真係唔好彩」。由於床褥有一定重量，於是有人「好奇張床褥連埋運費要幾錢」。
有網民更加沒好氣提醒樓主，「落雨唔好買床褥」、「落雨季節就唔好落單啦」、「咁你訂嘅時候唔睇埋天氣預測，夾埋吉時先訂麻」。
大雨淋濕網購床褥逐張睇 ＋ 網民風涼話回應↓↓↓↓
還有神通廣大的網民偵探上身，發現同一張相片，在兩個群組各有不同的貼文；也有人直言「好明顯樓主唔係事主，見到影嚟笑下啫，唔知做咩野個個ＸＸ佢」。
暴雨相關新聞：
水浸將軍澳｜「室外紅雨、室内黃雨」 街坊涉水過天橋：未見過將軍澳浸到咁
車廂水浸 巴士下層走廊翻起浪濤 乘客舉腳狼狽避黃泥水
黃雨下天橋翻江倒海 電單車硬食高壓冲洗 網民：洗滌心靈
鐵騎士過氹水花飛濺 睇片一同顛簸14秒震撼網民
----
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
最新回應