61歲錢小豪激瘦40磅頸筋暴現傳惡疾纏身 親揭身體狀況：腸有瘜肉冇晒胃口 丨獨家

61歲武打演員錢小豪月前流出跟內地影迷唱K聚會片段，因為身形暴瘦，惹來生cancer及患上嚴重糖尿惡疾揣測，瘦到頭大身細的小豪哥接受《頭條日報》獨家訪問，拆解罹患重病傳聞。小豪哥對被臭口網民直指患重病完全冇激氣，「啲網民為刷存在感亂咁噏，我又有型又幾man呀！有少少皺紋好正常。」他坦言目前食得清淡外，連色都戒埋，「(同太太丘倩鳴)冇性生活好耐啦！」採訪：方騫平 攝影：朱偉彥 場地：封神文化

61歲嘅錢小豪瘦到頭大身細，頸筋暴現，的確令人擔心。

小豪哥幾個月前發現頭皮有唔尋常黑斑，要剃光頭抽組織做化驗。

腰患復發嘅錢小豪一舉一動似足機械人，令人心痛。

訪問當天氣溫高達30幾度，小豪哥仍穿長袖衫現身。

錢小豪到周身冇肉。

錢小豪無奈地講解肥唔返原因。

錢小豪笑談身患惡疾傳聞。

錢小豪曾演過《大頭綠衣鬥殭屍》、《殭屍先生》等作品紅極一時，近年主力在內地拍網上電影，吸納到新一批fans，不時在社交網互動，甚至搞fan club聚會。早前流出小豪哥的影迷見面會片段，暴瘦蒼老狀態嚇親唔少人，大量網民留言作出關心，甚至直指他身體有問題。

1985年跟林正英拍電影《殭屍先生》爆紅。

《殭屍先生》許冠英(左起)、錢小豪、林正英

當年錢小豪係男神。

萌樣。

1993年和鄭秀文拍《大頭綠衣鬥殭屍》好受歡迎。

《大頭綠衣鬥殭屍》深入民心。

錢小豪、楚原、黎耀祥齊拍電視劇《大頭綠衣鬥殭屍》。

2000年，小豪哥和李連杰、楊紫瓊、袁潔瑩拍《太極張三豐》。

電影《救殭清道夫》員蔡瀚億(BabyJohn)感激錢小豪親自教他武術動作。

殭屍電影《救殭清道夫》。

電影《殭屍》麥浚龍和錢小豪。

當年拍《殭屍》時大大隻。

電影《殭屍新戰士》元華(左)、錢小豪(右)。

電影《媽媽的神奇小子》「蘇媽」吳君如及「蘇爸」錢小豪。

小豪哥拼搏打出名堂。

當年小豪哥狂接戲，片中為《打雀英雄傳》。

《最佳拍檔之醉街拍檔》。

港台劇集《火速救兵II》楊愛瑾、錢小豪

中兩次Covid致暴瘦

為怕病重揣測越傳越失控，錢小豪接受《頭條日報》訪問親述最新健康狀況。訪問當天氣溫高達30幾度，小豪哥仍穿長袖衫現身，但仍遮掩不到瘦削身軀，加上頭大身細，頸筋暴現，狀態的確令人擔心。身高5呎7吋的小豪哥坦言目前體重唔夠140磅，較最高峰時跌咗40磅，加上腰患復發，當日行路似足機械人，令人心痛。小豪哥表現無奈，自言搞成咁要從疫情開始講起：「中過兩次COVID-19，去上海拍戲要入住隔離酒店，第一次被隔離乜都唔知，原來與世隔絶，唔可以送餐入嚟，我朝朝食好難食嘅凍饅頭及雞蛋，20幾日後胃口收細，到𠵱家仍然冇乜胃口食嘢，每日只係食晚餐，食幾嚿肉就食唔落，平日食得檢點唔會食煎炸嘢，都係飲湯食湯渣為主，唯一最愛食雲吞麵，但只係貴精不貴多，食碗『細蓉』就夠，我都想搵增肥方法。」

早前小豪哥跟內地影迷見面會花絮曝光，暴瘦蒼老嚇親網民。

錢小豪早前接受內地媒體訪問，片中所見身形明顯進一步消瘦。

錢小豪突然急老。

瘦咗有啲憔悴。

樣子變蒼老。

唱得肉緊更見額頭皺眉。

錢小豪為台灣網紅的單曲《按部就班》拍MV。

MV有故事性。

小豪哥好有發揮。

去年拍台灣特輯時訪問長大了的連體嬰。

錢小豪早幾年仲Keep得幾好。

去年2月小豪哥帶媽媽睇粵劇《胡不歸》，當時狀態唔錯。

小豪哥年青時係賽車手，非常有型。

曾做大檢腸有瘜肉

提到健康狀況，小豪哥表示算ok，小毛病實有：「『3高』中，膽固醇高咗少少；血壓由50歲開始偏高要食藥，但成日唔記得食；血糖正常，我一直冇糖尿病，更加唔係傳聞中糖尿病失控，傳聞嚇到我阿媽打電話嚟話『見你有病，有乜煲畀你飲好？』」他強調60歲前為咗買醫療保險曾做過大檢，報告顯示大腸有兩粒瘜肉、胃有幽門螺旋菌、肺有少少花及輕微青光眼。月前再做肝膽胰、腎、心臟、甲狀腺檢查，全部正常，估計被誤會生癌因為剃頭累事：「幾個月前髮型師發覺我頭皮有兩撻唔尋常嘅黑斑，要剃光頭抽組織化驗，結果虛驚一場。大家見我瘦咗咁多，又剃光頭惹疑雲。唉！𠵱家啲網民為刷存在感亂咁噏，由得佢哋無聊啦，冇乜好激氣，我仍有型又幾man呀！有少少皺紋好正常，夠自然，又唔係咩老態，啲人評論瘦又話瘦；肥就話唔長進做終極大叔，所以唔理得咁多，做人最緊要開心，瘦咗輕鬆啲。」

錢小豪16歲開始拍戲。

年輕時留過長髮。

小豪哥係運動能手。

演藝生捱有多套作品。

小豪哥以拍動作戲為主。

都會演文戲。

老夫老妻已分房瞓

小豪哥由16歲開始拍戲到60歲，最難忘首部亞視劇《霍東閣》：「一日打10幾場戲打到個人變空殼，試過暈低入院半日。」另外，1988年他跟萬梓良及陳玉蓮拍電影《陷阱邊緣》，其中一場被人踢落樓梯戲失手，他後腦著地，左邊手腳失去知覺後昏迷送院，幾日後甦醒卻「斷片」：「當時仲唔識驚，因為孭住幾組戲，醒返仲諗究竟拍邊場醫院戲？」他仍熱愛拍電影，不過現階段有少少「資源」養妻活兒，而唔打算再拍劇集：「唔係健康問題，但咁辛苦為乜？留港陪吓屋企人好過。」另外，有報道指他10年冇跟老婆「行埋」？小豪哥大笑道：「我講笑啫，但真係好耐，老夫老妻多年嚟分房瞓(係咪有心無力？)唔知呀，因為太耐冇用！自從孻仔出世，將所有精神放晒佢度，我又唔敢去內地夜總會，聽過一個男藝人爆笑咁講，經理同佢講『呢度好安全唔使驚，好似xx男星嚟過都冇爆出去喎！』哈…黐線㗎！所以做藝人要好檢點，喺facebook撩吓女仔咪滿足囉。」

首部劇作係亞視嘅《霍東閣》，喺片場喪打一周返唔到屋企。

1988年，拍電影《陷阱邊緣》動作鏡頭曾昏迷入院。

兩年前客串TVB劇《逆天奇案》。

兩年前客串拍 《愛回家》。

跟現任老婆丘倩鳴育孻仔錢穎德。

小豪哥自爆和太太分房瞓多年。

小豪和孻仔錢穎德志趣相投。

錢小豪和兩子合照。

錢小豪與郭秀雲賀兒子龐景峰18歲生日。

龐景峰自父母離婚後，隨母親郭秀雲生活。

龐景峰帶女友見祖父母。