吳若希公審老公後掀罵戰 不忿被指是第三者 爆粗叫「X樣」道歉兼逼老公表態
2024-07-10 17:35 
吳若希（Jinny）昨日（9日）又再開PO公審老公何兆鴻（Alex）！吳若希直斥老公為女員工管接管送，還cap圖公開兩公婆的火爆對話後再鬧爆：「你趷起條尾，都已經知你會做咩㗎！」怒火中燒的吳若希連環出post後仍未洩忿，繼續在IG狂寸老公，後來再與網民掀罵戰。
相關閱讀：吳若希爆老公殷勤接送女員工 貼文公審：趷起條尾就知你做咩啦
吳若希狂寸老公後再與網民掀罵戰：
吳若希再強調沒有嬲老公並自覺好運
吳若希在2017年與何兆鴻結婚並育有女兒Giselle和兒子Kylian，結婚7年的吳若希過往多次「公審」老公的「惡行」，內容包括掟爛嘢、燒頸巾、寸爆丈夫「無能」等，因此被網民封為「惡妻」。昨日吳若希再在IG怒轟老公以「簽MPF文件」為名向公司女員工獻殷勤，揚言：「女人呢係好敏感嘅，你趷起條尾，都已經知你會做咩㗎！」
吳若希其後接受傳媒時依然寸爆，表示自己無鬧過老公，還稱老公消失了5個鐘後已經向她道歉：「我同何生講，我好Supportive佢，叫佢加油，繼續努力，日日都要咁做！要有堅持，如果覺得自己冇錯，就每一日都要做落去。」吳若希再強調沒有嬲老公，還自命好運：「難得嫁咗畀個心地咁善良嘅老公，我上世應該執到。」老公何兆鴻亦有接受訪問：「我習慣，亦唔會嬲佢公開鬧我，之後會見到我哋一家四口去玩㗎啦，我同佢解釋咗啦，不過佢喺內地做嘢，我自有方法氹番佢。」
吳若希常現「惡妻」一面？
吳若希爆粗與網民罵戰
吳若希今次「公審」老公的「惡行」，網民持不同的意見，有人力撐吳若希：「其實真係好有問題 ，今鋪撐你！加油！」、「唔明白點解咁多人要盲撐何生，無論係男定女，有邊個會希望自己伴侶係出面搞三搞四，個L個落井下石去助長呢啲唔忠誠嘅人 ，真係好咩？」不過有網民直斥吳若希「潑婦罵街既典範」，吳若希留言：「下？請問你邊隻眼見到我鬧人？邊一隻字？定係你覺得佢車女下屬返工唔啱？我覺得冇問題喎！」
其後還有人說：「你老公肯娶你，已經係人類史上最偉大嘅事！」吳若希留言反擊：「真係好可惜你冇資格做偉大嘅事！」甚至有人說：「好心做藝人就咪X想講咩就講咩啦，用下個腦先啦，戥你小朋友慘有個咁嘅呀媽！」吳若希隨即反擊：「我戥阿媽慘，喺你嘅世界原來老竇唔啱要過嚟鬧老母！」但有人留言指吳若希是第三者，吳若希爆粗要老公澄清：「有條X樣話我係第三者呀，想問下我係唔係第三者？」何兆鴻未有回覆，吳若希再說：「人哋話我係第三者呀，出聲喇，世界好老闆！」最後何兆鴻簡單地說「不是」後，吳若希爆粗叫網民道歉！
吳若希已經原諒老公
吳若希今日凌晨時份，在tg群組與粉絲交流，吸引不少網民入內食花生，而吳若希亦提到已經原諒老公：「雖然生生今朝非常威威！非常有骨氣！但係佢夜晚都已經好認真的道歉，雖然我好嬲，但我都好appreciate佢有認真認過究竟自己做錯啲咩，亦都代表佢有珍惜我哋呢一段關係！」看來吳若希獲得老公道歉後，目前已經下火。
至於吳若希今次為何嬲爆，是因為老公Alex講大話：「如果大家有睇《婚後事》個訪問～就知我根本係嬲講大話！」吳若希又回覆網民提到的出軌問題：「出軌梗係唔可以原諒啦，但係佢車女同事返工又未去到出軌嘅！衰到佢唔認錯同講大話嘅啫。」
其他文章：
吳若希夫婦「公審」事件逐件睇！曾火燒老公前度贈頸巾 公開嘲對方無能：佢好鍾意俾我鬧！
吳若希老公疑偷食繼續嬲爆瘋狂單打 借肌肉小生過橋：想車契仔返工
最新回應