星8卦丨「忠心」嫁人被逼增肥扮醜 「高大」大男人真身暴現新婚變分居
2024-08-13 11:30 
「忠心」 以為幸福在眼前，速嫁「高大」嘅下場都好淒涼 。話說要搞掂「奶奶」都唔容易，每次「高大」帶女朋友返屋企都俾「奶奶」黑面，都唔知趕走幾多好女仔 。「奶奶」最鍾意對住「高大」彈佢啲女朋友，「高大」又唔敢反駁，所以久而久之都唔會再畀「奶奶」知自己拍拖 。
相關閱讀：星8卦丨「高大」媾錯大嫂 大佬開辣條件懲罰 急娶「忠心」自救害人害己
今次突然帶「忠心」返屋企仲話要娶入門，「奶奶」梗係爆炸啦，所以一直都話自己唔認呢個新抱 。「忠心」以為「奶奶」難搞啫，最估唔到係個男人完全冇幫自己出下頭，仲加埋一齊蝦自己。好似「忠心」好怕肥，「高大」就同佢講鍾意女人肥，叫佢最好肥十磅，「忠心」覺得肥啲有福氣都ok啦，所以同佢癲到走去增磅 。不過最難頂係任何時候都唔准「忠心」化妝扮靚，連買件企理嘅衫都話發姣，想去勾佬呀，嗰種大男人完全令「忠心」覺得好難頂 ！
「忠心」一向都好注重外表，因為任何一個女人都唔想自己變醜，何況結婚之後佢哋就更加唔想畀人話黃面婆 。最近有人發現新婚無耐嘅「忠心」成日返咗阿媽屋企，兩公婆好似鬥緊氣，而「高大」亦唔多打算氹返老婆返屋企和好咁嘅款，睇嚟呢段婚姻都係遲早完，凍過水！
其他文章：
星8卦丨「骨精」亂投資趁低吸納蝕大本累「長髮」狂接job退唔到休
星8卦丨 「漏口」天生奸妃格專撬牆腳 遇「大婆」出招敗走一身蟻無人同情
星8卦丨「大紅」自食其力識富二代上位 被踢爆童年曾做手術雌雄莫辨
關鍵字
最新回應