馮允謙赴曼谷為MV取景 挑戰泰國舞者 百年圖書館又唱又跳
2024-08-27 22:45 
馮允謙（Jay）早前飛到曼谷拍攝新歌《無理取樂》MV，邀請當地的導演團隊及舞蹈員，在義大利建築師Mario Tamagno設計，擁過百年歷史的的圖書館Neilson Hays Library內取景，MV中Jay飾演圖書館館理員。平日圖書館所有室內範圍均不能拍照，今次Jay成功申請入內拍MV，實在難得。
Jay專程到泰國取景，原來是被大師姐鄭秀文（Sammi）《心魔》MV啟發，他說：「今次到泰國拍MV，邀請泰國導演合作，之前見到Sammi喺度拍嘅MV真係好出色、好靚。」導演曾在外國留學，跟Jay英語溝通，同聲同氣。此外還有八位舞蹈員，他們在圖書館內跳舞，Jay在泰籍排舞師指導下，亦跟隨手舞足蹈。他說：「其實呢首快歌係需要我有少少跳舞，Dancers跳得好好，我都有郁吓，最初有少少尷尬，導演團隊同排舞師好好，見我跳舞冇乜信心就不停歡呼打氣，令我冇咁驚。」因此他與舞蹈員越來越有默契，其中一幕Jay在圖書館裏做到「我要爆啦」的感覺，他與八位舞者一齊向天拋擲紙張，畫面震撼！
新歌亦突破Jay過往曲風，他說：「我做過好多唔同類型嘅曲風，今次想做懷舊感重啲，想大家對我有新感覺，放Disco元素入我嘅音樂，今次係一個突破。用咗好多70、80年代嘅Disco感覺，大家聽完希望唔好嚇一跳，其實係特登造到好舊、Classic同埋模仿Disco曲風。」
為爭取時間拍攝，Jay清晨五時半起床，邊食早餐邊化妝，七時多便到達圖書館開始拍攝，直到黃昏再乘一個多小時車程，到大學校園繼續取景。導演原本安排晚上在校園空地拍攝大型舞蹈場面，但天文台預告暴雨將至，團隊擔心Jay舟車勞頓太疲倦，加上天氣不似預期，打算將跳舞場面改為室內進行，但Jay認為室外拍攝效果會更理想，叫導演團隊不用擔心。結果，天公造美，整個拍攝時間都天朗氣清，直至最後一個鏡頭，拍攝Jay腳踏雨中水氹的倒影時，暴雨才突然降臨，令整個MV終在晚上十二時多順利完成。他說：「因為有一個情景需要濕嘅地下，反映霓虹燈光會好靚，既然飛到嚟泰國梗係盡做啦！今次成個團隊啲人好好，拍攝器材都好正，期待呢個好好睇嘅MV。」
最新回應