胡美儀鼓勵鄭梓浩做輔導：性沉溺有得醫 68歲轉型心理治療師免費助基層市民丨獨家

2024-09-30 07:00

68歲的藝人胡美儀於5年前轉型為心理治療師，除睇私家症外，更免費為基層市民提供情緒支援，她將於10月3日至7日為自家畫作舉行慈善義賣作藝術教育用途。作為《中年好聲音》鐵粉，對於「軟飯王」鄭梓浩腳踏3船，偷食成癮，胡美儀以專業角度分析，覺得大家唔好掛住鬧：「要關心，理解佢多啲，點解會變成咁？」更強調所有沉溺都有得輔導，包括性上癮。採訪：方騫平場地：再生會

68歲胡美儀中年轉型，由藝人變成心理治療師。

胡美儀和主席Alice為再生會不遺餘力。

美儀姐活到老學到老。

胡美儀年過60才闖新領域。

美儀姐對輔導工作好有滿足感。

6年前，好學不倦的胡美儀完成香港基督教輔導學院心理輔導學學士後，再進修多兩個碩士學位，目前攻讀博士課程。美儀姐表示，詮釋學是博士課程其中一科，她於10月3日至7日將於會展舉行《看.生命的詮釋》畫作慈善義賣活動，她會捐出15張親自繪畫嘅的情緒畫作義賣，目標為傲楹藝術教育慈善基金籌到20萬善款，作藝術教育用途，好有善心。

2018年在老公毛俊輝鼓勵下完成心理輔導學學士。

胡美儀好學不倦。

2022年第一個心理輔導碩士畢業。

第2個心理學碩士畢業-美國辛普森大學社區輔導學碩士。

胡美儀於10月3日至7日將於會展舉行《看.生命的詮釋》，為傲楹藝術教育慈善基金籌款。

做藝人獲病者信任

去年胡美儀也曾舉行過《國際女性當代藝術家展》，只學過4堂油畫的她形容畫畫是亂打亂撞靠打天才波，但第一張抽象建築物畫作已被老公毛俊輝及孫女狂讚：「疫情期間每日瘋狂睇5至6個症，自然接收咗病者好多情緒，咁我就從繪畫中反映畀病者睇，等佢哋了解返康復進程，試過為喪夫病人輔導咗9次；畫咗5幅畫。」2019年胡美儀開始創辦「心理工作室」，又為慈善復康服務機構再生會擔任顧問及特邀情緒諮詢治療師，免費服務基層市民：「病者睇我唱歌、演戲超過40年，感覺好似朋友咁信任，對我爆喊真情流露，原來藝人做社會輔導咁有用。」曾被生母遺棄，人生閱歷豐富的美儀姐觀察力強，坦言睇症睇得好快，亦有一套專業技能：「有啲嘢唔會篤穿病者，等於幫緊佢，因為佢有情緒障礙先會咁…」既然目前工作咁有意義，胡美儀唔再留戀娛樂圈：「𠵱家份工講心唔講金，雖然賺嘅錢係少咗，但做得好開心，人生要有唔同階段，咁啱疫情cut晒演出job；而呢個世代好多人需要情緒支援，就係咁學以致用。」

去年胡美儀也曾舉行過《國際女性當代藝術家展》。

胡美儀從繪畫中反映病者病情。

疫情期間胡美儀每日瘋狂睇5至6個症，接收病者情緒後從畫作中表達出來。

美儀姐係天才畫家。

她畫出毛俊輝的人生舞台。

胡美儀人生舞台。

被孫女發掘她繪畫潛質的西方建築畫像。

胡美儀是再生會顧問及特邀情緒諮詢治療師。

疫情期間，胡美儀不斷開講座幫到好多基層婦女。

應車淑梅邀請做《成長的心鎖》講座。

講座座無虛席。

加入香港紫荊書院擔任生命成長導師。

到多倫多參與《與你的美麗約會》講座。

2019年放下商演正式進入專業心理輔導行業。

2019年胡美儀開始創辦「心理工作室」

中年人多精彩往事

已脫離娛樂圈的美儀姐，依然係電視迷，特別鍾意聽《中年好聲音》參賽者唱歌，知道「中年人」有好多往事，亦發現好多參賽者為父母子女而唱：「我同老公講『都要輔導吓佢哋…』講真係人都有情緒，即使係浸淫好嘢(正能量)都一樣會有，中年人個個都有佢哋嘅人生故事，個個都好精彩，而且冇話啱定錯，人到中年要睇吓佢哋點樣繼續行，價值觀在哪？呢個都係一個有趣嘅輔導題材。」

1986年跟李龍基、黃愷欣、劉美娟、商天娥、威利、吳啟華拍《鑽石黃老五》。

1988年劇集《萬家傳說》造型。

劇中亦男亦女。

2002年胡美儀和馮寶寶拍亞視劇集《萬家燈火》。

2012年胡美儀跟張兆輝、黃敏儀及陳敏兒拍過TVB劇集《黃金十年》。

胡美儀曾靠唱歌搵食。

胡美儀曾與陳潔靈、雷安娜、仙杜拉結伴到海外登台。

《中音3》的桃爸為年初離世的女兒圓夢而參賽。

60歲「中二生」林潔淇人生坎坷，已故女兒被保母虐待至死。

毛Sir為香港話劇團演《父親》時，胡美儀和囡囡及3位孫女到場支持。

胡美儀、毛俊輝兩公婆好恩愛。

婚姻問題最難解讀

對於「軟飯王」鄭梓浩被踼爆腳踏3船，偷食成癮，更因縱慾過度要食壯陽補品，問到是否需要接受心理治療？胡美儀稱所有事，就算食糖、要阿媽錫等均會有沉溺，跟性沉溺及性上癮同樣有得做心理輔導，尤其目前科技發達，打開手機已能吸收相關資訊，容易令人有性沉溺，故此，作為專業的心理治療師先要了解病人狀況及結構，唔可以單睇新聞作出判斷及批評：「有啲病者係控制唔到，擺脫唔到，甚至加入創作及想像力…見唔到問題反而係最大問題，當自覺出咗問題時，其實經已到達咗某個階段。」她解釋凡事皆有進程，才會有今時今日的狀況：「要推前返事發前5至6年，同伴侶或夫妻間嘅感情關係，直至去到某個點，遇到有人擦身而過才會引發火花，而唔係針對今時今日嘅人與事。」胡美儀不認識鄭梓浩，對他no comment，只寄語他應尋求專業角度去傾吓偈，還建議：「大家不如關心返佢，理解佢多啲，點解會積累變成今時今日的處境。」胡美儀最後有感而發，認為婚姻與家庭屬最難讀的課題，因為家家有本難唸的經。