中年好聲音3丨男兒身選手高菲再晒「天籟女聲」 上回5燈選手竟被伍仲衡狠批：冷血
2024-10-13 23:01 
《中年好聲音3之大灣區新馬PK戰》今晚（13日）播出，大灣區與新馬區的選手上演最後激鬥，今集對戰陣容如下：梁文君《紅茶館》VS 尤詩郡《當愛已成往事》、高菲《愛上一個不回家的人》VS 陳麗寶《月光愛人》、潘紹麟《愛在記憶中找你》VS 關霈靈《高山低谷》、林立鋒《我應該》VS 何平秋《酒矸倘賣嘸》、伍耀東《藍雨》VS 蔡靜婷《陀飛輪》。
相關閱讀：中年好聲音3｜高菲雌雄莫辨天籟之聲震驚網民！周國豐得知真相嚇親？
《中年好聲音3》上演PK戰：
本集PK戰相當激烈，三位5燈選手之中，有兩位表現失準陷危機！首對PK組合是新馬區 3 燈選手尤詩郡對決大灣區5燈選手梁文君，梁文君之前獻唱《歸來吧》展現歌唱實力，今次同樣獻唱陳慧嫻歌曲《紅茶館》，不過就被伍仲衡狠批唱功似足AI「冇人性」：「Crescendo要畀番啲人性，唔好咁冷血，次次長音都係咁，就真係好AI！」周國豐則點評她雖然唱出少女情懷，但就演繹得過份似陳慧嫻版本。
尤詩郡唱至眼泛淚光
而對手尤詩郡則將14年單親媽媽故事帶到舞台，一度唱至眼泛淚光，獲周國豐大讚將難度極高的李宗盛歌曲處理得相當有感情：「你正正畀到嗰種兩個好深愛，但最終唔可以行埋一齊，從你歌聲裡面感覺得到。」不過評語可謂好壞參半，肥媽和曾路得則點評有唱功卻揀錯key。
相關閱讀：中年好聲音3丨王鄭浚仁比賽經驗豐富有「海豚音王子」之稱 曾患罕見病痛到無法張開嘴
高菲向難度挑戰
男兒身卻擁天籟女聲的5燈選手高菲，早已被看高一線，今集他跳出舒適圈獻唱《愛上一個不回家的人》向難度挑戰，卻被張佳添直指三級跳未能好好駕馭：「走出舒適圈係要，但唔係一走走到咁遠，咁就會好唔舒適。」不過最後都成功擊敗對手陳麗寶。
潘紹麟搣甩囂張態度
另一位5燈選手潘紹麟，上回因得意忘形狂搞gag，惹來評審巫啟賢不滿；今次明顯收斂搣甩囂張態度，只唱歌不說話，獲肥媽大讚：「唔講嘢，唱歌真係幾好架！」向來評分嚴格的「左右門神」周國豐和伍仲衡，同樣給予潘紹麟好評，周國豐大讚：「演繹好穩打穩紮，唯一要挑剔係（把聲）太林峯。」而伍仲衡則激讚：「我覺得你有排玩，你有自己 style！不過上次我同另一位參賽者講有排玩，下一個 round 就走咗，所以你唔好當真。」周國豐聞言笑指他詛咒人，場面爆笑。
何平秋獲讚是《中3》的李佳
至於曾為歌手的何平秋，本回表現亦值得關注，獲張佳添大讚「技術性擊倒」，更形容她是《中 3》的李佳（《中年好聲音》第一季亞軍）：「你仲有好多空間去進步，但呢隻歌的確唱得好。」伍仲衡亦讚：「好多人唱過，但你零舍有風格，style 呢樣嘢，有就有就冇架喇，所以你都有排玩！」
其他文章：
中年好聲音3丨王鄭浚仁「浮誇」唱功惹負評 開腔為事件感抱歉：表現不達標
最新回應