鄧麗欣趁41歲生日報喜！宣佈明年3月開處女紅館演唱會 送粉絲最好的禮物
2024-10-15 16:55 
鄧麗欣（Stephy）今日（15號）快樂生辰，近日Fans Club特別為她籌辦生日會，與逾百fans切蛋糕、唱生日歌、玩遊戲、分享追星點滴，非常熱鬧。鄧麗欣更率先宣布明年三月紅館舉行首次個人演唱會作為「回禮」，她與fans齊齊感動落淚。
相關閲讀：鄧麗欣男友原來去年已曝光 走大隻型男路線似足多位韓星 與Cookies姊妹早見面
鄧麗欣生日會宣佈明年3月紅館處女騷：
鄧麗欣在台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年三月⋯⋯」此時她眼泛淚光，有fans似乎猜到報以歡呼聲，她掩嘴點頭示意猜對了，全場掌聲。冷靜幾秒後，她續說：「明年三月紅館見！」台下fans立即興奮歡呼，有不少感動抹眼淚。鄧麗欣說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。
鄧麗欣感動落淚
鄧麗欣接受訪問笑言以為會忍得住眼淚，結果還是失守，她說：「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到飛入場，真係好開心，約定大家紅館見。」台下有fans跟住喊，鄧麗欣說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」
鄧麗欣生日會宣佈好消息
鄧麗欣19歲出道，不少fans都支持她接近十幾年，其實她在生日會fans分享環節，聽到他們的追星故事和見到他們的珍藏品已經好感動，不時見她眼紅紅強忍眼淚。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因鄧麗欣而找到自己的人生目標、事業、愛情，甚至改善與家人關係。「相隔咗幾年冇辦生日會，再慶祝好開心，今日好多人嚟咗，有跟咗我好多年嘅歌迷，亦都有新臉孔，非常多謝大家參與。個蛋糕好靚，好有心思。咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣佈，我相信對佢哋嚟講係最好嘅禮物，就係我明年紅館演唱會。」
鄧麗欣為粉絲準備驚喜
鄧麗欣收到很多fans手造的生日禮物，特別開心。她說：「禮物不在乎價錢，最緊要係佢哋嘅心意，所以好多年之前佢哋已經開始會親手整禮物俾我。今年Fans Club忡特別整咗一部扭卡機，所有扭卡得到嘅錢都捐去慈善機構。呢份禮物對我嚟講係最好，見大家排晒長龍，多謝大家落力參與。」鄧麗欣更放入幾十張親筆簽名隱藏版給fans驚喜。
其他文章：
愛情城事丨鄧麗欣預演台灣媳婦 爆男友為人細心會洗碗 曾寶儀親身聯絡演員:問到就賺到
最新回應