贖夢丨劉俊謙首晤日本影迷 自爆正在寫劇本 望圓導演夢

由影帝張家輝執導及主演，劉俊謙、陳法拉領銜主演的新作《贖夢》，繼獲邀多個國際影展後，近日再踏足「光影浪潮：香港電影新動力」東京站，今次由阿謙接棒家輝，以主角身份亮相影展，亦是他首次在日本觀眾面前亮相，並於昨日（2日）出席映後分享會，他對影迷的熱情感到驚喜：「日本影迷好投入，問答環節中我以為唔係好好笑嘅，佢哋都會畀笑聲同掌聲，佢哋鼓勵性好強，所以今次可以同佢哋交流，我自己都好珍惜同埋好開心。」

劉俊謙與日本影迷合照。

首次在大銀幕觀看《贖夢》，阿謙坦言覺得係幾震撼。

他指成個觀影感受非常強烈。

劉俊謙亦透露最近寫緊劇本，望之後有機會做導演。

至於創作內容，阿謙向大家賣關子！

被問到首次在大銀幕觀看《贖夢》的感受，阿謙坦言：「我自己覺得係幾震撼，因為拍嘅時候，唔知道好多畫面喺一個大銀幕出現會有咩感覺，尤其係夢境同現實嘅穿插，夢境中恐怖又夢幻的畫面交錯，令人無法分辨虛實。我覺得夢境反映緊內心某啲感受，好魔幻又好誇張，成個觀影感受非常強烈。」

張家輝早前在英國Grimmfest影展上勇奪最佳導演獎，阿謙表示已向對方送上祝賀。

阿謙提到家輝的導演經驗，為自己帶來莫大支持！

阿謙在海報上簽名。

張家輝早前在英國曼徹斯特Grimmfest影展上勇奪最佳導演獎，當天阿謙經已向對方送上祝賀：「對家輝哥嚟講，呢個導演獎意義重大，佢演員成就已經好豐富，但係佢對自己作品獲得認同非常重視。今次冇機會當面恭喜，借呢度先向家輝哥講聲恭喜！」他更提到家輝的導演經驗為自己帶來莫大支持：「家輝哥好了解演員需要，佢不單畀到我信心，亦對我有保護，令我能夠放開去詮釋角色。」

期待未來再跟日本影迷見面

有日本影迷問到阿謙會否效法家輝、嘗試由演員身分轉做導演？阿謙非常驚喜還反問觀眾為何知道他有此計畫：「其實我最近都寫緊劇本，諗住如果之後有機會，做導演之餘加上自己創作故事，至於我創作咩內容，就暫時唔向大家透露喇！」阿謙臨別時再次感謝日本影迷支持，又自揭一向喜歡當地電影，特別是是枝裕和名作之一《比海還深》，阿謙期待未來再跟影迷見面，最後更許下願望說到：「好希望有一日，自己可以嚟日本拍戲。」