旺角婆婆500萬身家執足24年紙皮 兩字總結「香港精神」引共鳴｜Juicy叮

旺角一名婆婆雖有500萬身家，卻日日執紙皮賺錢，執足24年，她最近受訪對人生與香港精神的一番體悟，引起網民共鳴熱議。

該位婆婆接受網紅「香港風車妹」訪問，以下是訪問的足本內容：

足本睇！旺角婆婆500萬身家執足24年紙皮 這樣總結「香港精神」：↓↓↓↓

旺角婆婆500萬身家執足24年紙皮 這樣總結「香港精神」

旺角一名婆婆雖有500萬身家，卻日日執紙皮賺錢。

她在旺角新填地街執紙皮，已足足24年。

她接受網紅「香港風車妹」訪問，引起網民共鳴熱議。

以下是有關訪問的足本內容：

「我四歲啊，老豆就走咗囉。」

「阿媽養四個，都捱大咗，你話（佢係咪）堅強啊。」

「我五、六歲就要做嘢喇。」

（問：你五、六歲就出去做嘢嘞？）

「執草囉，幫人看牛囉，淋水囉。」

「乜都做，舊社會又窮，即係我老豆38歲走咗啊（就開始做嘢）。」

「（我老豆係）病死。」

「小病啊當冇病，大病啊當小病，人一定要睇開啲。」

（問：婆婆邊度人啊？）

「廣州郊區。」

（問：幾多年過嚟香港㗎？）

「88年。」

（問：依家香港政府有冇畀資助你啊？）

「我有樓。」

（問：你有樓啊？買咗錢啊？）

「嗰陣百幾萬啊。百二萬呀。」

（問：有幾大啊？）

「面積幾細，包埋窗檯，二百九呎。」

（問：（來港）嗰陣做咩㗎？）

「咪清潔囉，就係清潔（工人）。」

（問：有幾多錢一個月？）

「4,800蚊，做到8,400啊，（最後）畀人逼走囉。」

「（我執紙皮）廿幾年囉，老公死嗰陣，個仔得15歲。」

「（老公）死咗半年，（我）又連工都冇得做。」

「（執紙皮）賣五車都係（賺）100蚊，17蚊一車、20蚊一車。」

「我啊從來都未喊過，我畀人害都唔會喊。」

「最多（心裡）流眼淚。」

「唔係話心涼會死，而係個人堅強喊唔出。」

（問：覺得你心態好好啊！）

「啊，你（點）睇囉。」

「我小便又唔出，大便又唔出，又神經衰弱，慢性胃炎，慢性膀胱炎。」

「後生喺大陸擔擔抬抬，又落嚟搬鐵供樓，即係（身體）有啲勞損。」

「做人要樂觀，要堅強冇畀人睇衰，冇害人，冇咁毒！」

「我阿媽教我哋，佢話冇咁壞，佢話壞過頭，養仔女都養唔大。」

（問：婆婆，你覺得咩嘢係香港精神？）

「講來講去，就係『恨錢』，你冇錢點樣生活？」

婆婆在旺角新填地街執紙皮，她在訪問中表示，她4歲時父親逝世，「阿媽捱大我哋4個（兄弟姊妹），你話堅唔堅強啊！」婆婆5歲就開始工作，「執草囉，幫人看牛囉，淋水囉。」

她說舊社會「係咁乜都做」，窮人有病亦要捱，「小病啊當冇病，大病啊當小病，人一定要睇開啲。」

「壞過頭 養仔女都養唔大」

婆婆88年由廣州來港，目前住在旺角一個290呎自置單位，她來港後做清潔，月薪由4800元，捱至8400元，但無奈最終被「迫走」，好景不常，丈夫這時又逝世，「嗰仔得15歲，老公死咗，我又連工都冇得做。」

她於是開始執紙皮過活，至今已24年，「我從來都未喊過，我畀人害都唔會喊......係個人堅強喊唔出」，她透露一車紙皮才賺17元至20元，一個月大約可賺約3千元。

「做人要樂觀嗯......要堅強冇畀人睇衰，冇害人，冇咁毒......我阿媽教我哋......佢話壞過頭，養仔女都養唔大！」婆婆又大談其對香港精神的體悟。

訪問吸引大批網民熱議，不少人大讚婆婆心態好，為婆婆送上祝福，「祝奶奶身體健康。」「願阿婆身體健康開心快樂。」「好堅強的婆婆！」

網民：心態好 受教了！

網民又大讚婆婆堅強：「阿婆真是好堅強，她人生隨便一件事情都可以打敗我。」「香港這些老人家真的是佩服佩服......拼搏精神。」「受教了！」「勤奮，能吃苦，善良，最主要是個個心態好。」「香港的為了生存的好努力。」

至於婆婆有500萬身家，仍然執紙皮過活，有網民懷疑她的身家只是資產，但缺乏現金流：「98歲身價幾千萬還檢紙皮呢，萬一她沒有現金流呢？只有資產。」「有房住但是沒有現金流有什麼用，房是價值。」

同場加映：92歲婆婆露宿深水埗街頭 千金小姐出身旺角有樓 因心酸原因瞓街4年↓↓↓↓

92歲婆婆露宿深水埗街頭 因這心酸原因瞓街4年

一名92歲婆婆，露宿深水埗街頭，引發網民關注。

婆婆姓潘，是土生土長的香港人。

她說，丈夫7年前去世，生前做藤製傢俬工作。

由於身體問題，當年婚後，丈夫已決定不生兒育女。

有網民早在2022年，已發現婆婆露宿街頭。

她當時說，已瞓街1、2年，換言之，至今已露宿約4年。

婆婆自言千金小姐出身，「我係溫室度成長㗎。」

「溫室啊，你睇下我隻手，無粗重嘢做過。」

有網民出示一張婆婆４年前，未露宿街頭時的相片，打扮企理。

她說，在旺角有一個物業，約400呎。

但是，為什麼不回家住？

她解釋：「因為我返屋企，一個人好靜啊。」

「呢到有人傾計啊，又有對我好好啊。」

「係屋企對著牆，剩係睇電視，死咗都無人知啦！」

原來婆婆因在家孤零零，想有人陪她聊天，才露宿街頭。

她一再強調：「係度開心過返屋企。」

「我返屋企，一個人好靜啊，靜得滯！」

她說：「所以呢度，我好多朋友㗎，好多人鍾意同我傾偈㗎！」

「我好感恩，90歲喇，個腦無衰退啊，你傾乜，我都可以同你傾。」

婆婆形容自己「小家碧玉」，曾從事玉石、酒樓、戲院等行業。

「我呢一世人啊，我做親啲工作，茶樓，嗯，就食到盡，戲院就睇到盡，玉器又玩到盡。」

「我死都心足㗎啦！」

她多次慨歎：「我係溫室度長大，真係冇捱過辛苦啊。」

「少年嘅時候，真係好開心啊，依家，歲月催人老啊！往事知多少啊！」

婆婆自言，年輕時「大把人追」，但她並不眷戀過去。

「依家晚年啊嘛，有晚年嘅環境㗎喇，啱唔啱啊。」

婆婆談吐，滿有書卷氣，如「梧桐相待老，鴛鴦會雙死」等古詩詞，琅琅上口。

她說，只正式完成小學課程，但「嗰時啲書，教得好深」。

「6年畢業，等於12年，即係(等於)我高中畢業㗎啊。」

「勸君莫惜金縷衣，勸君惜取水少年時......啱唔啱啊。」

「後生嘅時候，你應該要珍惜，少年時應該畀心機讀書。」