港女生日派錢 晨早落樓撳$X萬畀父母 網民大讚好孝順｜Juicy叮
2024-11-10 17:48 
一名港女在生日做了一件人人稱讚的大事，但這件事卻又似乎不是人人有做。好人好事一出，網上即時充滿了和諧溫馨氣氛。
生日收利是可聽得多，派利是的卻較少，特別是在晚輩身上。樓主早前在社交平台Threads發帖，指「今日我生日，一起身落樓撳咗$10000畀爸媽。我話生日派錢，媽咪仲問邊個畀錢你？......生日願望係屋企人健健康康，畀我繼續做寶貝女。PS每個月都有畀家用㗎，生日快樂」。
帖文一出，網民多少感到驚訝，有人直接查問「點解生日要畀錢父母？第一次聽」，另有人指「$1萬家用現在不是作為子女的基本嗎？」。
港女生日派錢逐張睇 ＋ 網民激讚↓↓↓↓
網民：都話生女好
網民定神後，連隨激讚好這件孝順大好事，指「都話生女好」、「霸氣」、「三觀正 」、「好乖女」。加以表揚的網民接著排隊而來——
•無論你畀幾多，你父母都好開心㗎
•自己生日派錢而唔係收利是，邊夠你玩
•孝女，不過我覺得冇問父母攞錢已經好好
•你有屋企心，有爸爸媽媽心，做父母個心真係會好開心
•真心你好乖，呢個世代，好多唔攞返屋企轉頭，都偷笑
港女生日派錢逐張睇 ＋ 網民激讚↓↓↓↓
•欣賞你，唔好計幾多錢，而家有幾多人會喺自己生日畀錢父母
•向你學習，好多嘢都係雙向，父母對你好你先會諗到呢樣嘢
•你做得對，感恩是你的生日，就是你媽媽痛苦的日子，乖女
•欣賞你。我都係人哋媽媽，我都唔expected（預計）我個仔將來會畀錢我使
•都要父母教得好，父母教唔好，唔會有咁樣嘅女。所以「最大嘅功勞」都要分一份好大嘅畀父母
•我喺我媽咪生日的時候都畀咗1萬蚊人仔，佢老人家話自己留返啦！我話每年生日我答應您畀1萬蚊人仔您老人家。我有錢都不會忘記父母的。我唔想到父母不在的時候先孝順。
樓主：父母開心＝我開心
樓主對網民作出的回應也相當得體且暖心，——「一點心意」、「因為爸媽好錫我」、「父母開心＝我開心」、「最緊要爸媽健康開心」、「父母錫我，絕對唔止值咁少」、「我成為佢哋女兒都係我福氣」、「我都係咁諗呀，唔好畀自己後悔」、「（我生日）是媽媽受難日」。
派錢相關新聞：
港金腰帶拳王旺角派錢打人 5人捱窩心拳僅獲$XXX 有人中拳不適 大律師：或涉刑事
油麻地驚現離奇「派錢黨」 逐張20蚊派 網民揭一重點極可疑
派揮春黨闖西環街市索利是 檔主使絕招擊退 網民教路如何軟對抗......
財神皇后山豪派「金」鎖匙扣？ 網民眼花：差啲認錯北角乞食財神
7歲仔冀私藏利是錢 願望嚇窒父母 網民立場壁壘分明：畀定唔畀？
最新回應