比特幣變跌市救命草 下一站撈乜好？｜唐牛

美元強勢，美滙指數企穩105樓上，拖累人民幣回落，離岸價失守7.25水平，創出三個月新低。港股首當其衝，恒指差不多由頭跌到尾，失守兩萬點之餘，更跌穿10月17日的低位，從圖表出發肉酸到爆。

當然，港股冇乜技術走勢可言，無定向風升跌乃平常事，現階段要止跌，首要是人仔止跌，但靠美金轉弱又唔係咁容易，所以可以寄望嘅，就係嚟緊內地公佈嘅經濟數據，會因為N次出招而慢慢轉強，例如GDP、CPI、PPI、三頭馬車、進出口數據等等，「中國經濟當不得瘋牛，要當慢牛」，就是這個意思。從呢個角度出發，仍期望港股重複9月底、10月初那轉急升市嘅，可以死咗條心。

雖然港股捱打，但好彩本欄一直主張多元投資、分散風險策略，今次受惠於Trump trade，比特幣破位衝上，一度逼近9萬美元關口，手持的比特幣現貨/期貨ETF水漲船高，成為跌市救命草。好喇，數碼黃金喪炒，傳統黃金高位回落，分注吸納時機再次出現，下次金價破頂開香檳慶祝之時，你有冇份參與，決定權在閣下手中。

唐牛

fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
Threads︰https://www.threads.net/@tongcow_88

本欄逢一、三刊出

相關文章：

炒股票也要破地獄｜唐牛

恒指向下突破 郭Sir籲有心理準備 進一步向下尋底｜郭思治

不擔心貿易戰｜曾淵滄

銀行遊說買不明產品易中伏 林本利分享退休理財十大失誤 「越接近退休 越多人埋你身邊」

打工仔切忌炒強積金 常犯「低位打靶 高位追」錯誤 李聲揚教買懶人基金「不用你操心」

美股瘋狂消息市 牛三要到來嗎？｜晉佳