陳自瑤認一早知翠如懷孕 曾陪對方走過小產低谷 無追問性別最緊要健康順利

胡定欣、陳自瑤（Yoyo）、袁偉豪與太太張寶兒跟囝囝「袁咕碌」及馬詩慧等今日（17日）到啟德出席精品店開幕，對於好友黃翠如今日宣布懷孕喜訊，Yoyo聽後即掩面表示開心到想喊，並指早已知翠如懷孕了一段時間，但是這麼重要的事情，應該留待對方在適合的日子和時間公布比較適合，提到翠如暗示自己曾經小產？Yoyo說：「呢啲事我都知，我哋一齊走過高山低谷，至於再深入就留返俾佢自己講，（你會做契媽？）呢啲只係一個虛名，係真心戥佢開心，（會唔會特別照顧佢起居飲食？）我已經隔得太耐，個女隔咗10幾年，等Shiga（連詩雅）傳授，佢近啲，啱啱生完冇耐，至於成長嗰啲嘢我就俾啲可以意見。」

陳自瑤（Yoyo）今日（17日）到啟德出席精品店開幕。

Yoyo指早已知翠如懷孕了一段時間。

提到翠如暗示自己曾經小產？Yoyo說：「呢啲事我都知，我哋一齊走過高山低谷。」

問會否做契媽？她說 : 「呢啲只係一個虛名，係真心戥佢開心。」

見到袁偉豪與太太張寶兒跟囝囝「袁咕碌」，Yoyo和定欣也忍不住逗逗小朋友。

至於翠如做媽媽是否受到她與Shiga感染？Yoyo就指不會，因翠如與蕭正楠也很喜歡小朋友。

至於是否會再抽時間多點陪翠如？Yoyo謂之前也有約出來食飯傾偈，不過她現在應該需要休息。

黃翠如今日正式懷孕。

至於翠如做媽媽是否受到她與Shiga感染？Yoyo就指不會，因翠如與蕭正楠也很喜歡小朋友，這些都是上天給他們的禮物，提到Yoyo和Shiga先後誕女，覺得翠如會不會也是生女？她說：「我真係唔知，佢哋非常神秘，呢啲小秘密留俾佢哋自己，我冇追問亦冇八卦，無論男女都好，最緊要係健康同順利。」至於是否會再抽時間多點陪翠如？Yoyo謂之前也有約出來食飯傾偈，不過她現在應該需要休息，問是否有妊娠反應？她表示每個準媽媽都有一點：「得閒都會陪住佢，但佢有老公陪，會錫佢。（諗咗買咩禮物俾佢未？）由今日開始諗！」