張敬軒明年1月澳門騷宣布加開4場 向偶像陳慧嫻「表白」：覺得你好靚

張敬軒自去年於澳門倫敦人綜藝館所舉行的兩個系列演唱會以來，一直反應熱烈，每次門票開賣均秒速售罄，更試過購票網站「冧server」。雖然今晚（17日）是尾場，但門票依然被黃牛炒至7000多元一張，非常誇張。由於門票供不應求，為讓更多觀眾觀賞，加上軒仔為澳門帶來至少5億的經濟收益，澳門倫敦人及主辦方宣佈加開2025年1月11、12、17及18日4場，作為明年倫敦人綜藝館獨家駐場演出的頭炮之作。

軒仔宣布加開2025年1月11、12、17及18日4場澳門演唱會。

軒仔的門票每次開賣均秒速售罄，更試過購票網站「冧server」。

晚（16日）演唱會上迎來一位特別嘉賓，軒仔指唱了14場，是首次有種考試的感覺。

軒仔指該位特別嘉賓，是他人生之中其中一位偶像。

更是他的音樂啟蒙老師。

更是他的音樂啟蒙老師。

原來是陳慧嫻，軒仔更對着慧嫻「表白」！

而昨晚（16日）演唱會上迎來一位特別嘉賓，軒仔指唱了14場，是首次有種考試的感覺，「因為我人生之中其中一位偶像、可以話係我嘅音樂啟蒙老師嚟咗。」他回憶大約是90年的時候，經常聽一張很經典的唱片及一個演唱會的錄影帶，「所以我覺得今晚係我嘅職業生涯當中一個十分Remarkable嘅一晚，我要喺度多謝陳慧嫻小姐，多謝你！」

然後，軒仔對着慧嫻「表白」：「你知道嗎？你喺去讀書之前嘅演唱會，我真係由頭睇到落尾，我由Opening一路到Closing，甚至乎成個《跳舞街》嘅Step我都仲跳得出。以下呢首歌可以話係我未變聲嘅時候我唱得最似你，因為我學緊咬字，同埋我覺得你好靚，嗰個演唱會個頭紗同埋嗰條裙，我每次唱呢首歌嘅時候我都覺得好似有一個任務喺身，送俾大家呢首歌《夜機》。」隨後軒仔又向粉絲表白：「開演演唱會令自己叉爆電，因為有粉絲滿滿嘅愛。」

完騷後，軒仔走到場館外跟「接放學」的歌迷見面。

歌迷已於網上紛紛「呼籲」軒仔唱鄧小巧的《神愛世人》。

然後軒仔便唱出一段副歌，唱畢後笑說：「失禮晒小巧㖭。」

軒仔又跟歌迷一齊Selfie。

完騷後，軒仔一如以往走到場館外跟「接放學」的歌迷見面，更有求必應向歌迷送上各式各樣的祝福。而未開騷前，歌迷已於網上紛紛「呼籲」軒仔唱鄧小巧的《神愛世人》，昨晚「接放學」時，軒仔終首次唱出：「好好好，嗱，我未認真學隻歌，第一次唱，自己喺屋企沖涼房唱，我成日聽。」然後便唱出一段副歌，唱畢後笑說：「失禮晒小巧㖭。再一次多謝大家，大家玩得好開心，係玩我玩得好開心呀，哈哈！」