辣妹港鐵車廂內公然吸煙 鼻孔秒變孖煙囪 網民驚問：電子煙定太空油？｜Juicy叮
2024-11-28 15:43 
一名辣妹打扮的露腿花衣女子在港鐵車廂內吞雲吐霧，短片近日在網上流傳。片中兩個鼻孔如孖煙囪噴出白煙的鏡頭，配合車廂環境，變得格外矚目。
樓主早前在社交平台Threads發帖，以「點解而家啲人可以誇張到喺港鐵入面食煙」為題，上載辣妹的一張硬照和一段長約4-5秒片段。
辣妹車廂內吸煙逐張睇 ＋ 網民勁嬲回應↓↓↓↓
網民點相憑衣物認出
辣妹坐於靠門一邊的關愛座，攜帶的隨身袋則於另一關愛座上，一個人佔據1.5個座位。拍攝時，列車剛好埋站，車門打開正在上落客，並見到月台的階磚以紫色為主調。
片中見到女子邊吸煙、邊使用手機通訊軟件的語音輸入，手法純熟。有網民似乎已把辣妹點相，在回應欄上載另一張在車廂偶遇的照片，指相中蹲著的女子「疑似同一條友」。其他網民於是使出偵探眼光掃射，指「根據個袋同對鞋一樣」，斷定可能為同一人。
辣妹車廂內吸煙逐張睇 ＋ 網民勁嬲回應↓↓↓
網民：明目張膽成咁
根據《港鐵附例》（https://www.mtr.com.hk/ch/customer/main/mtr_by_laws.html）第23條：「禁止吸煙」，凡藉告示而禁止在鐵路處所的任何其他部分吸煙，則任何人不得在該部分吸食或攜有任何形式的已燃點的煙斗、雪茄或香煙或無遮蓋火焰，違例者可被罰款5000元。
面對辣妹涉嫌違規，回應的網民大力批評，且有人估計可能吸食的並非電子煙咁簡單↓↓↓↓
•真係痴Ｘ線，食煙嘅同時仲要喺度霸兩個位，仲要個兩個位係關愛座，真係豈有此理；
•嘩，明目張膽成咁，佢係咪無常識到以為電子煙係玩具呀？港鐵食嘢都唔得啦，仲何況食煙；
•佢呢個應該唔係普通煙嚟㗎吧？ 太空油？ ；
•佢會唔會吸緊太空油而唔係電子煙。
電子煙和太空油相關閱讀：
控煙十招︱吸煙與健康委員會倡立法禁管有電子煙 、「火車頭」行為
辣妹車廂內吸煙逐張睇 ＋ 網民勁嬲回應↓↓↓↓
不少網民於是借機表達對煙民的不滿：
•喺地鐵入面都仲食，唔尊重人唔尊重自己，就算喺條街度食，有素質嘅都會自己行埋一邊，減低對其他人嘅影響啦；
•前幾日港鐵坐我隔離個mk（旺角）妹攞住個盒仔起勢咁吸，一開始唔知係電子煙仲心諗點解佢咁臭；
•我噚日喺商場入面見到有人食電子煙，我嗰刻呆咗，幾多年未見過室內有火車頭；
•我上次搭Van仔（小巴），坐我隔籬個女仔一路中英夾雜講電話超大聲，一邊食電子煙超級自私，其實Van仔唔係好大……啲煙噴曬落我塊面度；
•吸煙嘅人根本就算知道自己有幾嗅，都照樣不顧其他人嘅感受，變本加厲地吸多兩啖，......喺街一路行一路噴更乞人憎到一個點，自私行為盡現。
辣妹車廂內吸煙逐張睇 ＋ 網民勁嬲回應↓↓↓↓
電子煙和太空油相關閱讀：
大角咀沙膽男疑吸毒後通街走 網民直擊：「嚟遠見到女仔就撲！」最終「慘痛」下場曝光
最新回應