星8卦丨「老前輩」自製病歷 扮「性上癮」滾女不留後有原因

 講起性上癮，一定要講「老前輩」。因為要報恩，佢人前人後都對「大婆」好尊重，亦因為有咗咁嘅形象，令身邊媾女易過借火。

相關閱讀：星8卦丨「莫名」忍足廿年決定斬纜 有錢有愛人完勝人生下半場
 
佢勁在每次見到獵物一發功就搞掂，拍首MV或者拍套戲啲女都會即晚跟佢返私竇，開心過一晚。好似搞到「才子」嘅女朋友，最叻係出門打電話噓寒問暖，由於生性孤寒，每次嘅手信係公仔一隻，偏偏呢個世界咁多女人係講心唔講金。

 相關閱讀：星8卦丨「嬌娃」同「老闆」搞上「惡妻」質問擺「蠢仔」上枱自保

「才子」知道梗係嬲到死，但又唔捨得分手，後嚟娶咗女朋友返屋企至開始對付「老前輩」，一切嘅惡行就係嗰時踢爆畀全世界知 。「老前輩」晚晚有唔同女人，佢嗰陣已經周圍話畀人知自己有病，仲賴「大婆」滿足唔到自己，所以公然俾佢搞搞震。仲要攞埋張醫生紙出嚟畀老友睇，博佢哋八卦幫忙宣揚，要原諒一個病人咁話喎，呢啲招數，從此亦成為一啲濫情嘅男人最佳藉口。
 相關閱讀：星8卦丨「阿叔」照顧「大眼」夠癡心 同「呆佬」一齊開心做老竇

不過講到底「老前輩」滾得非常小心，亦冇搞大人個肚，因為唔捨得使錢， 亦唔打算留後，成日話滾得女多，如果生個女出嚟，就一定畀人滾，好彩有自知之明，但呢啲咁嘅畸型諗法，奇在仲有好多女埋身，啲女真係冇腦唔識諗！