維港會：大嘥鬼真身係陳德霖? 金管局籲市民「迎新鈔」封利是

農曆新年就快到，唔少人都會去銀行換新鈔封利是。為提倡環保，鼓勵市民用「迎新鈔」，今年金管局總裁陳德霖粉墨登場拍片，更不惜「為藝術犧牲」，竟然去冒充大嘥鬼......

金管局Facebook專頁今日出咗一段片，片中「嘥錢男」換咗成喼100蚊紙，但竟嫌棄唔係新銀紙，想成喼掟落樓......千鈞一發之際，大嘥鬼及時阻止，話宜家好多人都用「迎新鈔」（用過但仍然新淨嘅銀紙）嚟封利是，仲話每年臨近農曆新年，市民去銀行換銀紙封利是，超過4成是迎新鈔。

正當「嘥錢男」接受大嘥鬼勸諫時，忽然「突破盲腸」，質疑大嘥鬼無理由咁環保。此時大嘥鬼只好表露真正身份，原來佢係金管局總裁陳德霖假扮架！提提大家，即日起去3間發鈔銀行可換「迎新鈔」，大家記唔好做大嘥鬼喇！