維港會：買CHANEL袋即日放售掀熱話 女事主力證自己買非娘娘

嫌名牌手袋款式已過時，大家或會到二手店或二手平台放售，但有女士在情人節翌日（15日）購買一個價值逾3萬元的名牌CHANEL手袋幾小時後，旋即在facebook群組原價轉售，掀起熱議。有網民笑言「邊位巴打咁唔好彩」、「兵仔真係慘」，並指「原價我就唔使同佢買啦」。轉售帖文惹來收兵疑雲，女事主後來上載其買袋付款用的提款卡，力證手袋是自己買，但「買完覺得貴，然後無得退貨」，才引起誤會。

該女網民昨（15日）在facebook一個二手名牌買賣群組上載一個CHANEL手袋連包裝盒的照片，並附有購買單據。據單據所示，手袋價值33500元，買家是昨日下午在尖沙嘴半島酒店的專門店以EPS購買。樓主在帖文表示，「全新啱啱買咗幾個鐘，原價出售」。

帖文引來不少網民留言，樓主其後刪帖，但已截圖轉貼。有網民在facebook群組「巴打絲打 Facebook Club」分享截圖，稱「邊位巴打咁唔好彩，被嫌棄仲要想原價賣返出去」。不少人都估計是手袋是追求者或男友所送，替他們不值，「呢隻兵真係慘慘豬」、「娘娘與兵」、「兵喺情人節孝敬的吧」。

另有人批評樓主轉售仍以原價出售，「轉售等於二手，二手還會值原價？」、「原價我就唔使同佢買啦！在名牌店行出嚟我會自豪啲囉」、「出咗門口叫二手，起碼7折啦」。

女事主後來就在群組發帖澄清，上載了一張提款卡，卡號與單據所示的尾3個數字相同，留言指「個手袋自己買」，並解釋是「因為買完覺得貴，然後無得退貨，可以換貨，先擺上網賣，因為乜都唔識，所以先有咁嘅誤會」。