維港會:麥當勞 x 出前一丁推Shake Shake粉 有黑蒜油及麻油味兩款

相信不少人有食麥當勞嘅Shake Shake薯條，有無諗過食薯條可以食到出前一丁風味？麥記宣布，後日（27日）起推出出前一丁調味粉Shake Shake薯條，打頭陣嘅係「黑蒜油豬骨湯味」，而「麻油味」調味粉則要3月21日推出。
麥當勞早前公布推出的出前一丁碗碟套裝，如想換購，可由本月27日起，買任何食品加98元即可。套裝包括清仔大盛碗、清仔一番碟，以及麥當勞10元美食券兩張。

另外，除推出新口味Shake Shake薯條調味粉，麥當勞同期推出3款和風口味新包，包括宮崎風味南蠻炸雞漢堡、名古屋風味味噌吉列豬扒漢堡及金澤風味黑咖哩吉列豬扒漢堡。