【維港會】港媽投訴囡囡被男童掌摑腳踢 男童母：你咪叫你個女打翻佢囉

家庭教育對小朋友的成長非常重要！有港媽大呻囡囡遭男童掌摑和腳踢，但其母親竟然不以為然，更反叫港媽教囡囡還手！

有港媽在Facebook專頁「生仔要考牌系列」投稿，她指自己帶囡囡去公園玩，因囡囡與男童爭玩公園設施，囡囡竟被
對方掌摑和腳踢。她憤而找對方家長理論，對方竟說：「咁你咪叫你個女打翻佢囉！」

港媽表示，她當時帶著2歲半囡囡到公園玩，囡囡與一名男童正在爭玩公園內的玩具假門。她指因擔心囡囡被夾傷手，所以在她身後看著。突然，男孩掌摑她的囡囡一巴，「小男孩一大巴打落我女臉度」，她說被打後囡囡未能反應，而她看到囡囡的臉頰紅了。她感到很氣憤，開口：「小朋友，你唔可以打人㗎喎，公園大家一齊玩，大家可以做好朋友。」但男童竟然用腳踢向囡囡。

當時，男童的媽媽一直講電話，看到有事發生才走過來。投稿人向對方解釋事發經過，對方用不純正的廣東話回答：「咁又點呀？」，更說：「咁你咪叫你個女打翻佢囉！」但港媽表明不會教囡囡打人還手。對方竟然說：「再講打埋你呀，生咗個女好叻呀，你個女好巴閉咩，唔打得呀？」港媽就反駁：「我個女緊係唔打得啦，我無啦啦打你個仔得唔得呀？？」對方竟出言咒罵投稿人，「生啦生啦，香港人威啦，生埋啲垃圾，小心流產呀，生個傻嘅，生個白痴嘅，生個有問題嘅，睇你點罵」

投稿人本以為鬧完就算，但原來囡囡與男童就讀同一間學校，甚至是同班同學。她擔心自己還要見到男童的媽媽，不禁慨嘆「我係咪好慘？」