【維港會】港媽搭巴士疑擺書包霸位 乘客欲就座遭拒

不少人搭巴士都希望有位坐，在短短車程中可以休息一下。有港媽被指在巴士用書包為另一名家長及同學霸位，期間有男乘客打算就座，但被港媽拒絕，引起討論。

網民Shandi Cheung在facebook群組「元朗吹水區」上載圖文，指今日在九巴69X線總站上車時，已經有九成滿，其後有港媽用書包霸位，「有位港媽專登拎個書包幫佢遲兩個站上車嘅同學及另一位港媽霸位，去到個站有位男士見到有位就行埋去諗住坐，點知嗰位港媽話留左俾人坐喎，咁個位男士之後死死氣地行返出去企。」

不少網民都認為港媽無理，「一個做得出，另一個又好意思，無得頂」、「拎起個書包然後就坐，啋佢都傻」、「搭巴士留咩位，搭的士喇港媽，拎開佢個書包就坐囉」。