【維港會】再有老公「寶貝」被棄置? 大尾篤垃圾站現六對名牌波鞋

繼早前有太太以1000元「賤賣」丈夫《復仇者》模型，引起廣大迴響。今日再有網民發現大埔大尾篤一個垃圾站出現最少六對新淨名牌波鞋，懷疑有丈夫的寶貝「遇害」，被妻子趁他不在家時「棄屍」。

網民Wai Cheng在Facebook專頁「巴打絲打」上載圖片，指今早11時許在大尾篤山寮路垃圾站，發現最少六對新淨名牌波鞋，包括Dunk low、11 high & low等波鞋，擔心有男士的寶貝被扔棄，「係咪又有人趁個老公唔係屋企 掉晒老公啲寶貝出街。」

不少網民都認為被扔棄波鞋仍新淨，感十分可惜，「睇個樣都知靚同貴」、「雖然我唔識欣賞呢啲鞋，但係應該都幾肉赤」、「而家身為人夫冇咩事真係唔好離開屋企」。