伍允龙唔忿气被叫奀星

（星岛日报报道）伍允龙及安志杰在TVB节目《诸朋好友》被问及过去难忘感情经历，安志杰指有段时间被人称为某某男友好无奈，令人联想到当年他与谢婷婷拍拖经历。伍允龙亦有共呜，虽然访问中没提及女方名字，但当年他与锺嘉欣曾有一段无疾而终感情，他直言：「当年我成日畀人叫茄喱啡、奀星，但其实我拍咗好多戏，亦好努力去做，好似《赌城风云》一个镜头被车撞，我撞咗成25次，又试过由一楼跳落嚟差啲断脚，但都冇人知，我唔系投诉，只系唔明白点解焦点会放喺同边个拍拖。」
问到何不放弃？他说：「当年是开心嘅，只系对方因工作问题要收埋我少少，我OK嘅。（觉得电视台畀压力？）我明嘅，当时佢好红，而我系Nobody，因为工作要收埋我，呢一行系咁，但觉得过分咗去做呢件事，变咗个伤害喺我度。」他指今时不同往日，拍拖已可光明正大，直言当年被棒打鸳鸯有不满及不开心：「系唔忿气，但长大咗，过咗去，咁啱当时TVB有几部剧搵我，但我经理人觉得唔适合推咗。」他想入TVB证明自己有价值，让大家看到工作态度，之后遇到《城寨英雄》成功入屋。