Edan贴瞓觉黑图焫㷫Stanley

（星岛日报报道）由姜涛、Edan（吕爵安）、Stanley（邱士缙）、陈卓贤（Ian）、193（郭嘉骏）、肥仔（梁业）和张继聪等合演的ViuTV新剧《季前赛》，前日终于煞科，向来锺意低炒影鼻哥窿的Edan又派「福利」——晒兄弟瞓觉黑图，而自己的睡姿就最靓仔，惟姜涛展露胜利笑容，网民猜测姜涛手上亦大量Edan黑图才令他手下留情。
粉丝们留言表示等反击战，张继聪未几即留言宣战：「咁就得啦，我都大把相。」昨日坐言起行出手，先晒一张各人拎香槟的煞科大合照，分享拍剧感受，其后晒Edan瞓觉图还击，不过相中Edan 依然靓仔，他更以幼雀称呼Edan：「幼雀，你睇阿叔几锡住你吖？影到你瞓着都咁靓仔，算系咁啦，以德报怨吖，咪叫成熟罗」。Edan未惊过，得戚回覆：「紧系以德报怨啦！因为我叫啊德（剧中角色） 」Stanley则发动攻势谓：「一人一张吕爵安黑图计画正式开始！」阿聪表示等睇表演。