张天颖音乐大过天 6位数搞工作室

（星岛日报报道）从美国毕业回港的张天颖Jamie，出道前在社交网站自弹自唱成功吸引不少年轻乐迷，今年Jamie花高达六位数字自组工作室，以个人身分推出派台单曲《Fallen 4 U》正式出道。
《Fallen 4 U》是Jamie的第一首派台歌，这看似是一首情歌，但Jamie坦言希望透过这首歌能带出让人自爱的讯息。Jamie透露：「这原本并不是第一首派台歌，透过社交平台发问功能，我发觉好多朋友都唔系好爱自己，所以最后拣咗呢首歌派台同一班followers沟通，勉励大家。」Jamie认为自爱是人生必学的过程，她也正在努力：「我有个坏习惯，一做嘢就唔食嘢，所以我都要学习自爱。」
决心自组工作室，Jamie称全因为她了解自己：「第一自由度可以大啲，可以决定想做嘅嘢，同埋我都系比较知道自己想点，有时未必太想屈服。曾经有想过签公司，但系好惊冇咗自己，所以最后都系决定用自己style畀大家认识，如果之后有公司赏识我呢个人，知道我本身嘅style，之后再合作都OK。」
爸爸金钱上无限支持
前年从美国毕业回港，为了追梦开始打工，例如教小朋友、作广告歌，最想做的仍是音乐。是次MV拍摄大约花了4-5万，Jamie感激一班好友相助：「本来唔系咁平，但多得好锡我嘅朋友仔义务帮忙，收好低嘅价钱做嘢。」
从Jamie IG可见，她和家人关系密切，不时和爸爸一起cover歌曲，被问到家人有否在资金上帮忙，Jamie表示：「Studio装修用咗$200,000，还要购入器材，好彩有啲阿爸畀咗钱先，我可以分期付款，因为有呢啲器材先可以做到。」成立工作室后推出第一首单曲，Jamie表示十分满意作品：「第一首歌冇话好大期望，纯粹试吓水温，唔知观众系咪真系锺意呢种style，我自己就好锺意！ 」