轩公讲有味Joke 撑「细佬」洪嘉豪

（星岛日报报道）洪嘉豪（Kaho）一连两场演唱会前晚圆满结束，张敬轩现身尾场担任嘉宾，震撼全场。Kaho当晚用轩公五月举行个唱时送给他的咪高峰演唱，被轩公笑谓「好开心我支嘢晚晚陪住你！」Kaho更许诺下次上红馆开个唱时会再邀请对方！
前晚Kaho获好友MC张天赋、Anson Kong、肥仔（梁业）、魏浚笙、白只、苏丽珊及陈凯咏等捧场支持。当《骚灵情歌》音乐响起，张敬轩未出场，观众已兴奋狂叫！Kaho与轩公合唱完《骚灵情歌》即相拥，Kaho坦言其实一见对方的身影出现台上就已想喊，但不想唱得不好而失礼，惟有死忍：「我第一个骚好想同好重要的人分享第一次，轩哥，我识你20年，我点会估到有呢一日，可以请你做嘉宾，仲要拿着你支咪喎。」轩公搞笑回答：「好开心我支嘢，可以晚晚陪住你，
哈哈！」
晒腹肌冧粉丝
张敬轩更公开大赞Kaho这个「细佬」凭个人努力在乐坛由低做起：「Kaho对我来讲，真系亲生细佬咁，我识佢个阵佢毛都未有……哈哈，唔系，系中学都未读，仲读紧小学。每次讲开Kaho，喺佢妈咪眼中口中，呢个仔都系洪家骄傲，钢琴又叻，有天分；喺Kaho的音乐事业上，我冇帮佢太多，今日佢企到台上，系全靠自己的努力同大家支持。」Kaho闻言即说：「我想同你讲，上次你送支咪俾我，希望我可以喺自己个台唱歌，我做到啦，多谢你。轩哥，下次我上红馆，再请你！」获全场狂热欢呼！及至安歌部分，歌迷不停叫Kaho除衫，Kaho最终应大家要求，拉高件衫少少，360度转圈让歌迷感受他少少的
腹肌。