陈奕迅好想揽锡热情歌迷

（星岛日报报道）陈奕迅红馆演唱会第十五场因全场观众想听《浮夸》，日前已唱过同一首歌的Eason盛情难却而「屈服」，唱出第二段，但观众未及反应，Eason便笑道：「你睇你哋，冇乜反应。」观众即热烈欢呼，Eason续称：「我人生第一个骚，系香港会议展览中心，当年连自己歌都未有，上台唱我偶像张学友嘅《望月》。一路唱一路唱，台下一路喺度十五、二十，因为『春茗』。我仲记得我唱完之后返后台好嬲，发誓以后要好听到佢哋个膀胱爆都唔去厕所！」
完骚时Eason向观众鞠躬说︰「依家最惨系咩？系当大家咁热情时，我冇得揽、冇得锡，希望2023年补返畀大家，喺街、餐厅、车，见到就揽，我哋好需要肉体上爱抚！」并送多个飞吻。