洪嘉豪 自命平凡又普通

洪嘉豪将于4月13日至14日在红馆举行两场《洪嘉豪演唱会2024》。首度踏足红馆开骚的洪嘉豪，表示今次演唱会以他的名字为名，并非个唱想要表达自己，而是想藉着「嘉豪」这个普通的名字鼓励大家。
谈到自己的名字，洪嘉豪直言：「大家都睇过网上啲Post，十大撞名名字中，『嘉豪』系有份。一直以来有人会话我唱歌、外貌普通，连个名都普通！嘉豪呢个名系普通，但有鼓励作用，有啲人觉得出世改咗平凡嘅名或外貌唔特出，就会限制自己。嘉豪系好平凡嘅名，但凭着努力同尝试，咁平凡都去到一个唔平凡嘅红馆开骚。」
献唱新专辑歌曲
洪嘉豪透露今次个唱主要演唱个人作品，其中一Part经已度好，就连歌词都是度身订造，更大卖关子演出上将有小突破，他说：「如果做得到都精彩嘅！但我戴定头盔先，我惊自己做唔到，就算做唔到，都尽量做到8成，呢个突破系需要勇气同一定嘅信心。」向来唱抒情歌的洪嘉豪，并非擅长跳舞，他笑言今次未必有劲歌热舞，但一定有歌曲同跳舞，因为本身的歌曲并非劲歌，反而会有轻快歌配合跳舞，他认为跳舞最难是排舞师编排舞步后，自己尽量要跳得似对方，他说：「如果要我跳到好似好劲嘅舞蹈员就无可能！但我还好，运动细胞唔错，之前做过一、两次骚，所以我都知自己去到咩环境。」上月刚推出新专辑，当中的歌曲亦会在个唱上献唱，他说：「好多原声大碟同冷门嘅歌，已经喺上次个人骚唱咗，今次想替代返！正如大家觉得我较多抒情歌，如果好多慢歌放入歌单会比较沉闷，所以会造啲同以前好唔同嘅歌。」
红馆个唱成里程碑
对于不少歌手以登上红馆开骚为目标，作为90后歌手的洪嘉豪，直言见证好多前辈歌手在红馆开个唱，认同是一个很标志性地方，所以他会视红馆演出为重要的里程碑。谈到今次邀请的嘉宾，洪嘉豪笑言每位入场的观众也是自己最好的嘉宾，不过已构思好届时会以特别方式介绍一位嘉宾出场。而洪嘉豪妈妈曾任张敬轩经理人，问到今次红馆开骚妈妈可有给予意见？他说：「有时我都会同佢倾诉吓烦恼，例如内部认购唔够飞！唔知系咪盲目支持个仔，佢会话呢啲唔关你事，总之唱好啲歌、练好啲舞！间中仲有啲训话。」