洪嘉豪自爆身边劲多「小新」

洪嘉豪首次挑战配音，为动画电影《蜡笔小新：我们的恐龙日记》声演热血青年比利一角，他坦言《蜡笔小新》陪伴不同年代的人成长，今次声演可谓一个挑战，更自爆细个匿入洗手间睇漫画的趣事。

从未试过声演的嘉豪表示：「这个角色系新加入，唔可以睇返啲作品温书，但系我有睇日本版本系点！其实大会有提供一个机密日本版本俾我睇，不过讲日文、无字幕就唔明白，所以我大概睇下人哋把声点配音。」自小爱看卡通片的嘉豪，笑言《蜡笔小新》是其中喜爱的作品之一，不过父母不准他睇漫画，于是经常去洗手间匿埋睇，并笑谓觉得主角小新好曳，经常口花花撩姐姐，但认为这样是好睇之处。
首次配音好考执生
对于今次声演的难度，嘉豪坦言要配合返动画角色的口形，可能10个句子，但变成5个字讲完，于是要讲得很快：「如果觉得句子太长或讲得太急，导演会改咗啲字，所以临场专注力好紧要。我执生能力都OK嘅，好彩我参与过广播剧，睇住份稿去读，但睇住稿又要睇住个画面，呢个真系有难度！」
被问若再有机会、想挑战哪个角色？嘉豪笑言想尝试声演小新爸爸野原广志，因为可以闹人又被老婆欺负，他说：「小新角色太根深蒂固，反而爸爸角色玩味重，今次比利角色好认真，系个好热血嘅青年。」当笑问若然将来个囝囝似足「小新」，会开心还是担心？他说：「我身边啲朋友嘅小朋友，全部都系『小新』！佢哋周围走又跑来跑去，搞到成身湿晒！爸爸去踢波又跟埋去，撞来撞去！其实我谂起每个小朋友都有呢个顽皮一面，我就未有生儿育女计划，玩人哋嗰啲已足够。」