【头条独家】 零危机意识 汤怡揿住电话行足20分钟

18年，32岁嘅汤怡同拍拖11年嘅洪卓立分手，之后喺19年曾经传过同有妇之夫Gavin So行得好埋，英皇高层霍汶希随即代否认，强调汤怡同Gavin只系「跑步脚」。日前，近年沉迷做运动，仲开YouTube频道教修身嘅汤怡现身铜锣湾，见佢由希慎行到去湾仔，全程20分钟Keep住耷低头揿电话，有意外时避唔切，危机意识低咗啲喎。采访:梁志明

虽然无拖拍，但汤怡一啲都唔闷，因为佢有大把嗜好，例如做运动，跑步同瑜伽，近月仲玩埋跑山，兼开埋YouTube频道教人修腰修肚腩同修大髀，记者玩咗一阵就成身汗，对脚好似唔系自己咁，频道几有用，可以Follow。

真系要改嘞
当日化咗妆嘅汤怡由铜锣湾希慎行去时代广场再行去鹅颈桥再去礼顿道然后向伊馆方向行，之后再经隧道行去湾仔英皇骏景酒店。全程大约20分钟，汤怡可以Keep住一直耷低头揿电话覆短讯，见人过人，连过斑马线都系低头揿揿揿，都系嗰句，意外就系意料之外，专注力去咗电话度，身边有事发生就避唔切，畀人撞到都唔好啦，要改嘞。