同女友梁诺妍各有各运动 洪永城讲明唔想输畀大波谦

洪永城（Tony）18年同全职模特儿兼跑步与健身教练梁诺妍（Inez）拍拖后，一直感情稳定，Tony更加爱上做运动。近排忙于拍新剧《陀枪师姐2020》，呢日趁住有空档又天气好，就约埋朋友去公园做运动，佢仲在ig留言话：「同剧有一个叫做大波谦、一个系健美先生，我唔可以输得太离谱。」而同一时间，女友Inez亦都有做运动，不过就唔系同Tony一齐去公园，反而留在喺屋企，由狗狗Coco陪住做，佢在ig贴出在家做运动相同片，仲留言：「最近健身室关闭，决心在家拍咗一连串的健身片同大家分享一下，希望帮助到大家留在家都可以郁动下，线条靓啲好好迎接夏天，希望大家喜欢，也会喜欢客串嘉宾Coco」而Tony亦都相当识做，亦有在女友ig写道：「Coco好乖，有冇俾零食佢奖励佢？」呢啲甜蜜互相，真系几鬼sweet㗎！