【头条独家】怕MV太情欲Cut走Kiss镜头　李靖筠曾经好胜以后唔敢

英皇新贵，26岁的李靖筠（Gladys）最近推出全新广东歌曲《Getaway》，今次她搞搞新意思，亲自策划兼执导MV，她自爆MV中和男主角黄溢濠有唔少Kiss镜头，基本上唔知有乜好拍就一味锡，但最后却狠心地将咀嘴镜头全cut：「因为唔想太情欲，本末倒置。」 采访：方骞平 发型：Ziv Yeung @ Leonardo 3 Hair Corner 化妆：谚瞳.小白 服装：ZUCCa @ IT 场地：Dear Harley Cake Studio

新歌《Getaway》讲述一个女生带著男生出走嘅好胜故事，其实系鼓励大家唔使忧虑太多，跳出comfort zone就会有新惊喜同得著。李靖筠兴奋道：「其实听到首歌demo时个脑入面经已有好多画面，所以提出要求，免费做埋MV导演，咁啱开会时黄溢濠路过『八卦』畀意见，顺理成章搵埋佢拍。今次参与新岗位，因为钱唔够，MV由策划到拍摄，全部要一手一脚自己搞。坦白讲，对我嚟讲系辛苦嘅，但睇到制成品好有满足感。」

不过拍完之后，Gladys Cut咗好多咀嘴镜头。「我只系想突出情侣甜蜜关系，唔想太情欲，所以最后剪晒，而且我哋friend到好似兄弟咁，锡锡感觉好怪，锡得好犹疑，唔够真摰。」记者笑她摆明呃咀？Gladys笑说：「咁佢执到啦！下次唯有做好啲，加啲床戏喺度！」另外，现年26岁的她又自爆以前年轻时，会做啲好胜嘢：「如即兴买机票，喺冇安排下，翌日同男友去外地玩。喺美国实习完又试过独自落纽约，搞到『荡失路』，喺地铁度跌咗电话，一个人去睇百老滙骚，发现原来冇带身份证，既惊险又刺激，不过人大咗多责任，以工作行先，唔会再不顾后果咁勇敢喇。」