贺容祖儿四十岁生日娇Sa合体送惊喜

2020-06-16 20:05

今日系容祖儿踏入四字头(40)岁生日，经理人霍汶希（Mani）与阿Sa(蔡卓妍)及月前爆出已分居嘅锺欣潼（阿娇）夹计为寿星女炮制惊喜，实行「龙虎豹」合体玩个够。Mani上载「龙虎豹」合照到网上，照片中的回复单身嘅阿娇消瘦不少，但就精神奕奕。

阿Sa花尽心思，以祖儿几个月前画的猫、狗和公仔，订造成蛋糕送给祖儿，搞到祖儿冧爆留言：「蔡卓妍系傻㗎！咁都畀佢谂到呢一个蛋糕！话说我只系有一晚懒得意同佢分享我画嘅动物，几个月后连我都唔记得咗有呢一幕，佢竟然将一只只变成立体，仲加多个有底裙嘅pretty sexy，𠵱家佢哋好似扭蛋公仔咁得意嘅动物喺我面前出现，好开心好开心，边有咁有心思嘅人㗎！」

霍汶希就留言：「容祖祖，你真系太幸福了，由惊喜派对到生日蛋糕，佢地两个绞尽脑汁，就系为咗准备最好嘅畀你，见到你地姊妹情深，老母真系好欣慰 #老母爱你！」