【娱乐圈群组】预料住院两星期「排毒」　刘少君吁小心防疫：唔系下个就系你

「娱乐圈群组」再添一人确诊，在麦德罗病毒潜伏期内，跟他一齐游水及唱歌的紧密接触者刘少君，昨日Call白车到伊利沙伯医院检验后，证实确诊新冠肺炎。今晨，他终于获安排入住隔离病房并见医生，随后他拍片向大家交代病况，见戴上口罩和眼镜的刘少君精神尚算不错，他说：「医生解释咗成个病毒系咩原因（感染）、点样医治，咁就一步步嚟罗，应该好快就搞掂，但我都想详细了解多啲，大概要一至两个星期啦，咁就可以将身体里面嘅毒素排出体外。」

刘少君自言现时未觉身体太不适，没有发烧亦没有疴呕，只是间中坐起身会咳好耐，瞓喺度就较舒服，他续道：「昨晚最辛苦，因为搞咗成晚，但唔紧要，都有瞓3、4个钟，而家都好精神。最紧要忠告俾所有朋友听，呢只病毒系好容易感染到，真系要戴口罩、清洁卫生要做足，如果唔系下个就系你哋㗎喇！」