【下年40】39岁生日活动好特别 薛凯琪帮阿妈剪头发

本周二系薛凯琪(Fiona)39岁生日，因为疫情关系，阿Fi过咗一个简单嘅生日，先戴住口罩同爸爸切蛋糕，然后爸爸送咗一份好温暖嘅礼物畀佢，妈妈就煮咗素菜餐畀佢食。

生日活动就系帮唔愿出街嘅妈妈剪头发，其实阿Fi唔系第一次帮妈妈剪头发，今年3月，阿Fi已做紧发型师，而佢阿妈就好识叹，打住机嚟剪头发。

阿Fi提到，「有一天妈妈说：『你记得你小时候很多你的衣服都是我织给你吗？』然后我就说：『但你好久没织给我了。』」然后寿星女今年就收到妈妈送赠嘅手织披肩，仲有花纹添。

最后阿Fi想带出快乐其实很简单，并多谢所有朋友，父母及粉丝嘅祝福。「但愿我们一起成长，懂得珍惜简单的生活❤️🌟。」