【维港会】连续3辆的士见轮椅客即冚旗 网民：真系好衰

很多市民都有感，不少的士司机的服务态度与经济市道往往成反比，如艺人所言「去到山穷水尽先肯同你讲多谢」，不过有网民在讨论区「亲子王国」发文，目睹连续3辆的士见到坐轮椅客人即冚旗拣客，令网民看不过眼形容「真系好衰」。

网民透露，「喺铜锣湾fashion walk 排长龙等的士，排头位系一个坐轮椅的老人家，有工人同啲女一起。连续3架的士见到系坐轮椅，即刻冚旗，有个仲衰，埋到的士站，见到即刻开走架车。我排后面都睇唔过眼」。

其他网民纷纷批评，「有啲真系好衰，扮睇唔到，所以推住轮椅，我宁愿搭巴士」、「好衰。因为轮椅上车落车花好多时间，而且都系附近居民多，短途唔多钱。有朝一日啲司机都会老。」、「不关疫情事，早几年我推坐轮椅家人外出搭的士遇不少，之后家人代截车，我才跟家人上车，系怕上落慢，又要帮手放轮椅」

也有其他非乘坐轮椅的市民留言投诉，「我脚程十分钟返屋企，因落雨搭的士。上车听到同区唔洗跳表，关咗车门都叫我搵另一架，最后我落车行路算！周街吉的仲咁嘅态度」、「就算落雨截的士，见到你坐轮椅冇带遮都唔会停，冚旗在你面前驶过，我仲试过畀的士佬话，叫我家人唔好坐的士，叫我call白车。」、「我试过抱住初生BB ,工人拎住BB车在街边等的士去健康院，好多架吉的士经过都唔停俾我， 当时真系好想喊」。