【维港会】公屋人瞒称住私楼 网民：做人要老实光明正大

近日公屋及私人楼宇的差距成为网民热话，讨论区有网民称「识2个人，住鸭脷洲邨话住海怡，住何文田邨话住何文田站隔离」网民质疑，「点解唔可以大方承认自己住公屋?」。

有人留言，认为住公屋的生活有时候比住私楼还要好，「你朋友太谦虚喇 ，住公屋仲威过住私楼，住私楼一系要供，一系要交租，惨惨」、「公屋无黑厕， 厨房比较大， 生活，煮饭仔， 不用管理公司左右手年年加费，停车场不少欧洲车， 不用每月抬钱给银行」、「住公屋不知几幸福」。

有人认为是面子或者维护自尊心缘故，「我朋友住公屋，追求者送佢返屋企，都叫佢送到附近私楼，然后自己行返去，我都唔明佢咁辛苦做乜，其实无乜好自卑」、「我仔同学住石排湾邨，佢啊妈在FB讲暑假要落楼下会所游水，谂唔明石排湾邨有会所咩」。

也有人认为是平常不过的事，只是方便人知道居住地区「我平时会讲住xxx(屋苑名兼系地铁站名) 嗰边附近嘅XX邨。或者有时就话近XX站落车会有人误会我就系住XX屋苑。因为同事唔系呢区，未必识区内屋邨。我觉得OK。反而有时只讲邨名佢头上都系弹出个问号」

不过也有人逆向地降级报称住公屋，「有人舢舨充炮艇，也有人反其道而行,有钱扮冇钱,唔想亲友问他借钱」、「我倒返转， 费事公司入面班穷人眼红」。

众多网民意见之中，有网民直接点出两边的不是，「扮住公屋同扮住私楼都系唔诚实，但系扮住公屋仲衰过扮住私楼。扮住私楼系因为知道受社会资助，有羞耻之心唔想人知。扮住公屋系孤寒自私，自降人格，根本你唔特别同人讲咪得罗。如果对方知道你扮住公屋，即系信唔过对方，惊人痴金糠，连朋友都无得做。我成日觉得啲人好烦，一时又话住公屋，一时又话租私楼，一时又话有自置私楼。做人要老实光明正大，就唔驶搞到扮来扮去」。