【醉酒丑态】余香凝大闹婚宴 吴嘉熙鎅伤手脚

余香凝与吴嘉熙（Cheronna）到网台受访宣传新歌，大谈醉酒经历。准新娘余香凝率先自爆，曾参加婚礼饮到「断片」出丑：「当时第一次去海外婚礼，其实同主人家唔系好熟嘅，但系好开心啦，我冲出嚟玩Game斗饮酒，咩酒都沟晒！最后印象就系第二道菜，咁就去到第二朝早，清醒番之后，我同朋友讲『噚晚冇呕都几叻』，点知望一望张床，全部都系呕吐物。之后朋友问我头有冇痛，原来我噚日坚持饮酒，推低啲劝酒嘅朋友，自己都撞咗埋墙，成个过程完全冇印象。」

Cheronna自言醉酒会呕「黄胆水」，试过醉住酒陪家人扫墓，她笑指性格「好癫」，曾被旧爱逼到发恶：「我试过企上去烂咗嘅玻璃碟度，宁愿鎅烂自己啲手手脚脚，叫佢『可唔可以唔好再嘈啊！』。我觉得自己性格个恶顶个位系太直肠直肚，有时系唔畀面嘅，另一角度睇就系好诚实罗。」