【Headline Girls】不做花瓶　张若锜

凭ViuTV探灵真人骚《鬼同你上位》弹出的张若锜（Angus），去年推出处女写真集《锜遇》，近来就从模界踩入电视圈，参演过ViuTV剧集《黑市—黄牛》及微电影《下一秒，追到你》等，「本身都觉得自己做Model唔系特别优秀，我又唔系特别高，又唔系非常瘦嘅女仔，所以喺平面上会有啲蚀底。其实我都几锺意拍剧或拍戏，因为可以从演绎角色中试吓做另一个人，几好玩。」

Angus又视台湾女星林依晨为目标，「以前拍偶像剧，佢大多饰演傻大姐，到呢几年扮演职场女强人、演悲剧等，佢都做得好好，我会觉得佢系我演技上向学习嘅对象。」不过，拥有32D、22、34火辣身材的她，又可会担心予人「花瓶」形象？Angus说：「只可以努力做好，令观众接受你，任何人嘅批评都系一个进步（机会）嚟。之前都有上Drama堂、睇多唔同嘅戏，其实要喺屋企多啲练习唔同嘅表情，然后将日常生活见到其他人嘅表情，或对事件嘅感受就要记住。」并希望有机会跟影帝黄秋生合作，从而在对方身上偷师学演技，「佢好劲，我睇佢好多戏，无论搞笑、恐怖、变态都得，真系演技好好，如果可以跟佢学一次嘢系毕生受用。」

那么会否想摆脱性感形象？「而家嚟讲性感系一个（上位）途径，始终行性感会多啲人认得你，但佢只会记住你性感、靓女、有身材，但每日都有呢啲女仔出现，咁点令佢Keep住记得你呢？就系要努力拍罗。（幕前性感尺度？）主要睇剧本，好似《色戒》系一套艺术片，拍出嚟好睇咪可以罗。（全裸都得？）要睇角色有冇呢个意义，露唔露三点冇乜特别，外国大部份戏都有咁嘅情况，自己心态就冇咁保守，最紧要画面好睇。」