【维港会】诞第二胎半个月怒揭丈夫召出租女友开房 港妈自怨：难为捱过百针

圣诞佳节却遭遇家庭悲剧，有港妈近日诞下第二胎正在坐月休养期间，揭发丈夫自2年前开始，不时召出租女友开房幽会，丈夫还发难拒认，令这位妈妈自怨「一直都有性关系，而且我仲有求必应…我真系唔明点解咁仲唔满足，我真系伤心到极点，无谂过一个平时准时返屋企，周末会陪小朋友出去玩嘅人会系咁」

「亲子王国」讨论区有港妈发文，在丈夫手机发现他从2018年开始，在通讯程式找出租女友（PTGF）到酒店开房，甚至是上班时间私下偷欢，还要长期包养。港妈「拎住部电话指住问佢，佢都可以唔认，话系佢同事用佢电话玩，但啲妓女问佢拎账号佢系俾自己账号，证据确凿，我好肯定系佢本人，佢仲发烂话『你唔信我都无计』。」

港妈悲叹，「我真系唔知点算好？ 我觉得嘅然证据确凿，佢连基本嘅尊重都无，仲当我白痴咁呃？ 仲讲咩话俾同事玩？…仲要发烂渣好似我错咁！」她自怨，「我觉得自己真系好傻好白痴，呢几年仲为咗同佢生第二个小朋友不停做体外受孕，夹埋打咗超过100支针，放咗好多次都唔成功，今年终于再抽第二次卵得咗，终于等到顺利生埋，以为有幸福日子过，点知BB出世半个月就俾我发现啲咁嘅野，而家我仲坐紧月...身体仲好虚弱我真系唔知点算好，个脑一片空白.... 」、「第二胎我地努力咗好多年...到而家终于实现咗咁多年嘅梦想，有两个小朋友等佢地可以有个伴成长，喺我以为最幸福嘅时候，点解喺要等BB出咗世半个月先俾我发现啲咁嘅野？ 如果我早啲发现，我唔会做体外受孕咁伤身，唔使搞到而家咁....我唔敢话俾屋企人知...我唔知点面对.... 」。

不少网民送上安慰，「首先你要保重身体，暂时尽可能照顾自己同BB先，唔好理伤害自己的人。」、「呢一刻当然好难接受，畀啲时间自己慢慢消化，睇下自己觉得呢个人仲适唔适合同你过埋下半世，唔使话畀屋企人知住，等你自己有晒准备先讲， 听到你咁嘅情况都好戥你伤心，无论点都好祝福你」。

有人建议事主忍痛离婚，有过来人指「我离咗婚，有男朋友，有份工，生活轻松自在，唔会再惊佢几时又叫，个心好踏实」、「佢认错, 都仲可以原谅佢..连错都唔认, 叫人点原谅。你有经济能力, 走啦..」、「好想比个HUG你。你好伟大，亦明白你为咗生B几辛苦到头来系咁结果。坐月对女人好紧要，你要好好保重，我知好难，但系为咗自己为咗BB记得就算训唔到都闭目养神。我意见系我会即刻离婚，我知道宁教人打仔莫教人分妻，咁样叫你离婚好似好衰，但我自己系一定接受唔到。你哋会好似以前咁呢？如果你哋之后感情变得唔好，其实小朋友系知道架。再者，你亦唔会知道佢以后会唔会继续包养，继续叫，与其系咁，我会宁愿自己一个。」