【维港会】不忿友人登门火锅无夹钱兼食清雪柜 屋主：以后唔再请

人情还人情，数目要分明？网上讨论区「亲子王国」有网民发文，指叫友人上门打边炉，但对方没有夹钱之馀，「佢同佢男朋友清空晒我雪柜」。网民大为不忿，宁愿「以后都唔再请佢哋来」，并向网民求教如何是好。

不过一些网民留言就指，登门作客甚少会叫客人出钱，「无试过叫人夹钱，当请朋友共聚。朋友大多会自动波买酒，蛋糕，生果」、「除咗读书时期，我去人屋企同请人上我屋企，都无试过夹钱，除非叫外卖有数计，都系大家随意一人出啲，介意不如出街食AA」、「朋友上嚟我屋企食饭唔会要人俾钱。我上朋友屋企都未试过要夹钱」、「我请朋友上屋企食饭，我唔会要人夹钱，咁核突」。

有人认为要视乎发文者是否事前解释清楚，「人哋可能以为你请， 你都讲叫人上来」、「如果你系预咗夹份嘅，最好就早讲声，又或者叫对方买下一啲嘢分担。」

也有人习惯作客时主动出钱，「我从来都唔会唔夹，就算无提，我都预咗夹钱，点都唔想人哋蚀。人哋又买又拎又洗又切，食完仲要清场，好多嘢做。通常上去之前，会再问有无嘢要再买」、「礼貌上会问下夹几钱，如果知道唔洗夹，就会买啲嘢上去送礼或一齐食，咁样好睇啲，熟都系咁话，因为人哋会觉得无家教」