【维港会】前男友求复合边停自动缴费 港女：斤斤计较无分错手

情侣分手最怕藕断丝连，有女网民在「亲子王国」讨论区内发文批评，拍拖10年的前度男友一边请求复合，却又一边取消以往代缴的自动转账设定，她认为对方斤斤计较，而且自相矛盾。

女网民指，分手后男方一边求复合, 一边取消过去代她缴费的自动转账，男方觉得是两件事，说不应该花费的钱就要停。女网民透露，都是电话费及上网费，男方早年嫌烦及想赚积分所以代缴，帮手交几百蚊， 就一直受语言欺凌，「我自己觉得，如果咁想同返对方一齐，唔会咁急去cut哂啲自动转账罗」，「分手就是因为顶唔到佢斤斤计较的性格，真系无分错手」。

女网民又抱怨，「男人仲口口声声话好爱我，我真系半点都feel唔到，跟咗佢10年，忍足佢10年，洗一蚊都闹，食饭食剩又话浪费...无名无份跟咗佢10年，人地离婚都可以话拎赡养费，我系咩都无，过去10年，就系送咗两部手机系叫最贵，其馀咩都无。」

有网民留言奉劝早日一刀两断，觉得「咁嘅男人。 可忍十年？ 如唔求你复合， 几难揾第二个。 仲想你养佢？」、「分手就唔好再讲佢了，放唔低嘅就一齐返。咁嘅男人都跟到10年，唔好再浪费青春啦，单身都起码唔会俾人闹啦。」

有人认为双方都无错，只是价值观不同，「楼主同男朋友性格南辕北辙，一个孤寒计较，唔喜欢别人响自己身上搵着数，另一个贪小便宜，喜欢响人哋身上搵着数.....咁样点会合得来，早啲分手，放过大家。」、「我觉得理性地系可分开两件事，你无错佢亦无错。你应该同佢讲，除咗爱之外，日后行落去面对生活亦有好多野要有共同的想法及一致的目标，你就系唔钟意佢斤斤计较，洗钱都要佢管，俾佢闹，已经用了十年的时间同佢去配合、最终都系顶唔住。既然分手后便立即cut自动转帐，即系佢一直以来唔愿意帮你去承担的，那么他是因为十年的感情及习惯而不舍得你吗？」

不过有人认为，「做乜仲要帮你交」、「分咗手仲要帮你交自动转账? 你都好唔知丑喎, 还要系到呻」。