【维港会】港女与已婚男偷欢后怀孕 愧疚求问应否堕胎陷道德争议

有女网民在「亲子王国」讨论区内发文，指与一名已婚男同事发生关系，其后男方回到妻子身边，女网民现在已经后悔但现已怀孕7星期，男方则主张堕胎，于是向网民求教应否堕胎，网民激烈争议。

这位任职文员的33岁「二奶」透露，她跟一个四十多岁已婚男同事偷欢，现在已怀有身孕，她承认做错，但解释当时男方声称对妻子已经无感情才一起，更誓言会与妻子离婚。

女网民说现在男方要回去妻子身边，说不可以失去妻子，而妻子又愿意原谅婚外情丈夫。「男人得知我有咗，叫我一定要落仔，话为咗我好，如果生咗出嚟，带住小朋友仲点去揾其他仔。仲讲如果落完仔，之后有咩心理问题其实直接去睇精神科或心理医生，反正有得医。」

女网民犹豫，「虽然只得7周，但我感觉到个到肚有个生命系到，一日一日咁陪住我…小朋友系咪真系唔应该出世」又指，「我唔会再去伤害佢老婆…正如大家所讲，佢老婆系最无辜，已经受伤害了一次了.... 如果我决定独立抚养，会同呢个男人断绝所有来往，因为佢已经选择放弃左小朋友。」

不少网民指责女事主拆散其他家庭，有人批评「呢啲出自小三口嘅故事都系千偏一侓话系畀男人呃，事实系点只有天知道，生唔生亦唔应该由网民畀意见」。

也有人直言，「我身边单亲妈妈都系生小朋友后离婚，佢地无得塞返仔女入肚先被迫单亲，佢地无得拣，你有得拣」、「个男人真系好XX，搞大左你个肚就话同老婆复合。我都唔识畀意见你，但你要谂清楚单亲妈咪条路都唔易行，你将来再拍拖，人地唔知会唔会对你小朋友好。或有小朋友边个凑? 你经济能力系未真系ok? 总之你要做好晒所有心理准备，先好做好咁大嘅决定。」

有人觉得，「唔系你同唔同个男人在一齐，而系你要唔要个小朋友，呢两件系独立嘅事情。如果你独立抚养，系咪应该同呢个男人断绝所有来往先？ 你同佢讲就算生咗, 佢无权知，无权见，会同BB佢讲佢老豆死咗， 亦都帮自己 粉碎无谓嘅期望。再衡量客观嘅因素， 现实嘅问题，有无能力带领教导佢面对人生嘅挑战。 正常家庭教好一个仔女， 其实都唔容易， 佢先天嘅条件不足，家庭复杂， 佢面对竞争嘅压力更加大， 而你都一样， 预咗会做得更多。」、「个男人已经摆明唔会负责任，和你也没有结果，你要明白亦要接受，你能力和心理状况都可以吗？生出嚟系一世的责任，无论顺景/逆景，孝顺与否⋯你能对小朋友不离不弃吗？请认真考虑清楚」

不过也有人认为始终是一条生命，「赞成系唔应该，因为系人命，但你嘅处境，一定要好好想清楚，我建议你通知佢老婆，要畀个男人知出黎偷食，唔系拍拍屁股就无事，佢负唔负责唔紧要，因为预咗佢唔会负，但都要佢承受偷食嘅后果。」