【维港会】遭屯门公园「大妈」骗财后被迫同住 新抱狂数老爷六大恶行

爷媳关系一向唔简单，有为人新抱的网民在讨论区发文诉苦，指老爷被屯门公园「大妈」骗财后搬入同住，对其起居生活种种恶行难以忍受，狂数老爷6大恶行，大叹「我就嚟癫」，问网友可以点样解决。

女网民力数老爷的6大罪状，指老爷平日好嘥电，房内电视长开不特止，夏天长开冷气、冬天暖气都要长开；洗衫时候爆蒜头，搞到完的衫都一阵味：随意丢掉她的护肤品；又会睇AV兼讲同佢讲不文说话，仲要唔卫生「唔冲凉、唔洗头、唔刷牙，成间房一阵臭味。」

女网民指其老爷已经70岁，奶奶话佢后生时高大英俊，但从40岁开始就毫不注意个人卫生。直至10年前佢两个女已经赶佢走，早前仲被屯门公园「大妈」骗钱，之后搬入同住，但又无力给钱老爷著他搬走，遂向网民徵询意见。多数人认为要强硬起来，送走老爷，亦有人认为可以再慢慢劝导佢：「同老公讲2选1
lor，企硬赶走佢，仲要人教？」、「你叫佢改下坏习惯，我成日叫阿妈改，佢有改㗎。」、「送他去老人院」。

对于有网友形容自讨苦吃，楼主就似乎对老爷仍有一念之仁：「你另一伴(半)、屋企人有事，你都会帮喇。除非你唔系人。」不过，仍有网民认为帮都有限度：「帮人有底线，唔通相处唔到，系要搞到互相仇恨，死不相见，无湾(弯)转先得？」